Mumbai Crime : दादरमध्ये 'स्पेशल 26'; नोकरानेच घरावर फेक रेड टाकत लुटले लाखो; पायांमुळे झाला प्रकरणाचा उलगडा

या प्रकरणातील तक्रारदारच्या बहिणीचा नवरा आणि व्यावसायिकाच्या घरातील जुना नोकर असलेला दान बहादूर जोरा हा त्याचवेळी अशाच प्रकारे लंगडत तिथे आला आणि पोलिसांना संशय आला. पोलिसांनी कसून चौकशी केली असता त्याने गुन्ह्याची कबुली दिली.

खरं तर व्यावसायिक राजन शंकर जाधव यांनी सीबीआय कारवाईच्या भीतीने आपल्याकडे असलेले 20 लाख रूपये आपला विश्वासू नोकर किरण याच्याकडे ठेवण्यासाठी दिले होते. ही बाब किरणची बहीण आणि दाजी दान बहादूर जोरालाही माहिती होती. यानंतर जोरा याने कट रचत आणखी तिघांना सोबत घेऊन हे सगळं घडवून आणलं.

जोराने आपला घाटकोपरचा मित्र लालू याला याबद्दल सांगितलं. त्यांनी पनवेलमधील मित्र प्रताप रतन सिंहच्या मदतीने फेक रेड टाकण्याचं ठरवलं. प्रतापने सांगितलं, की माझा मित्र दान सिंग देबीसिंग अधिकाऱ्यासारखा दिसतो. त्यामुळे त्याचीही मदत घेण्यात आली. प्लॅननुसार, रविवारी पहाटे ते सीआयडी ऑफिसर म्हणून किरणच्या घरी गेले आणि धाड टाकून पैशांवर हात साफ केला. यानंतर चौघांनी प्रत्येक 5 लाख रूपये वाटून घेतले. एकाने या पैशांनी उधारी चुकवली तर एकाने ते बारमध्ये उडवले. जोरा आणि लालूकडील १० लाख रूपये पोलिसांनी जप्त केले आहेत.