गाडी कुणाची, चावी काढ! गिरगावात व्हायरल गर्लचा स्वॅग नडला! बाईक रेस करणाऱ्या गौरीला पोलिसांचा दणका, VIDEO

मात्र, याच मिरवणुकीत यंदा कावासाकी निन्जा H2 सारख्या हायपर स्पोर्ट्स बाईकचा कानठळ्या बसवणारा आवाज घुमला. या बाइकला रेस करत असताना महिला पोलिसांनी मात्र हटकलं आणि तिथे वाद झाला. प्रसिद्ध इन्फ्लुएन्सर गौरी मोरे आपल्या महागड्या बाईकला गर्दीत रेस' देत असतानाच एका महिला पोलीसाने तिला कडक शब्दांत सुनावलं.

हा गोंधळ पाहून तिथे तैनात असलेल्या महिला पोलीस अधिकारी धावत आल्या. त्यांनी थेट गाडीसमोर उभं राहून, "काय चाललंय हे? आम्ही काय इथे वेडे आहोत का?" असा प्रश्न केला. इतक्या गर्दीत अशा प्रकारे बाईक रेस करणं लोकांच्या जिवावर बेतू शकतं, असं सांगत त्यांनी गौरीला आणि तिथल्या तरुणांना फैलावर घेतलं.

शोभायात्रेत रिल्स बनवण्यासाठी आणि प्रसिद्धी मिळवण्यासाठी अनेक तरुण-तरुणी अतरंगी कृत्य करताना दिसतात. मात्र, गिरगावसारख्या गर्दीच्या ठिकाणी नियमांची ऐशीतैशी करणं गौरी मोरेला चांगलंच महागात पडलं आहे. कायद्यापेक्षा 'स्वॅग' मोठा नाही, हेच या महिला पोलीस अधिकाऱ्याने आपल्या कृतीतून दाखवून दिलं. या घटनेमुळे सोशल मीडियावर आता दोन गट पडले असून, काहींनी पोलिसांच्या कारवाईचं समर्थन केलं आहे, तर काही गौरीची बाजू घेत आहेत.