तळोजा कारागृहात श्रीमंत, गरीब कैद्यांमध्ये संघर्ष, लाच देऊन घेतात चवीष्ट जेवण; रेट कार्ड पाहून बसेल धक्का

खारघर : कारागृहात कैद्यांना अनेकदा व्हीआयपी सुविधा मिळत असल्याचे प्रकार समोर येत असतात. तुरुंगात मोबाईल फोन, तंबाखू, अंमली पदार्थ सापडल्याच्या धक्कादायक प्रकारही घडले आहेत. दरम्यान, आता तळोजा कारागृहात कैद्यांमध्ये कँटिनच्या जेवणावरून संघर्ष पेटला आहे. श्रीमंत आणि गरीब कैद्यांमध्ये तुरुंग अधिकाऱ्यांना लाच देऊन चविष्ट भोजनाची सोय केली जात असल्याचा आरोप होत आहे. व्हीआयपी कैद्यांना चिकन, मटण, चायनीज जेवण दिलं जात असल्याचा आरोप करण्यात आला आहे. यासंदर्भात कारागृहातील कैद्यानेच ठाणे लाचलुचपत प्रतिबंधक विभागाकडे तक्रार दाखल केलीय.