Mumbai News : मुंबईतल्या प्रेमीयुगुलांच्या लव्हस्टोरीचा भयंकर शेवट; तरुणाने घेतला टोकाचा निर्णय, प्रेयसीवर गुन्हा दाखल

अॅन्टॉप हिल येथे राहणारा तरुण आपल्या काकांकडे ट्रॉम्बे येथील चित्ता कॅम्पमध्ये जात होता. त्या वेळी त्याची ओळख 18 वर्षीय तरुणीसोबत झाली. काही दिवसांपूर्वी त्यांचे नाते प्रेमात रूपांतरित झाले होते आणि ते वारंवार भेटत होते. मात्र, काही दिवसांपूर्वी अचानक दोघांमध्ये वाद सुरु झाला.

मिळालेल्या माहितीनुसार, 14 डिसेंबर रोजी तरुण काकांकडे राहण्यासाठी गेला होता. दरम्यान  पुन्हा एकदा प्रेयसीसोबत भांडण झाले होते आणि त्या रात्री त्याने हे टोकाचे पाऊल उचलले

तरुणाच्या आईला त्याच्या मोबाइलमध्ये एक नोट सापडली, ज्यात प्रेयसीसोबतच्या सततच्या वादांचा उल्लेख होता. यावरून तिने ट्रॉम्बे पोलिसांत तक्रार दाखल केली. पोलिसांनी अपमृत्यूची नोंद करून तपास सुरू केला असून प्रेयसीविरोधात गुन्हा दाखल केला आहे.