Uttarkashi Tunnel Rescue Updates : 17 दिवसांनंतर मिळालं नवं आयुष्य.. सिल्कयारा बोगद्यात अडकलेले मजूर अखेर बाहेर, कसं यशस्वी झालं ऑपरेशन?

देहरादून, 28 नोव्हेंबर : उत्तराखंडच्या सिल्कयारा बोगद्यात गेल्या 17 दिवसांपासून अडकलेल्या 41 मजुरांना सुखरूप बाहेर काढण्याचे काम मंगळवारी सुरू झाले. पहिल्यांदा दोन कामगारांना बोगद्यातून बाहेर काढण्यात आले. यानंतर, बोगद्यातून सर्वांना बाहेर काढण्याची प्रक्रिया एक-एक करत सुरू आहे. एनडीआरएफ आणि एसडीआरएफचे पथक दुपारी बोगद्याच्या आत पोहोचले आणि कामगारांना बाहेर काढण्याची मोहीम सुरू झाली. बोगद्यातून बाहेर येताच सर्व कामगारांना रुग्णवाहिकेतून जवळच्या रुग्णालयात नेण्यात आले.