बिहारमध्ये पुन्हा 'नितीश'राज, कोणत्याच सर्व्हेत तेजस्वी सरकार नाही, सगळे एक्झिट पोल एकाच ठिकाणी!

मुंबई : संपूर्ण देशाचे लक्ष लागून असलेल्या बिहार विधानसभेचे दुसऱ्या आणि अखेरच्या टप्प्यातील मतदान संपले असून मतदानोत्तर चाचण्यांचे आकडे समोर आले आहेत. प्रमुख मतदानोत्तर चाचण्यांच्या आकड्यांमध्ये बिहारमध्ये पुन्हा एकदा नितीश कुमार यांचे सरकार येण्याचा अंदाज आहे. महत्त्वाची बाब म्हणजे भारतीय जनता पक्षाच्या जागा गत निवडणूक निकालाच्या तुलनेत यंदा घटू शकतात मात्र सर्वांत जास्त जागा मिळवणारा पक्ष सलग दुसऱ्या वेळीही भाजपच असण्याची शक्यता आहे. तेजस्वी यादव यांच्या नेतृत्वाखालील महागठबंधन सत्तेच्या जवळही जात नसल्याचा अंदाज महत्त्वाच्या मतदानोत्तर चाचण्यांमधून व्यक्त होत आहे.