Youtube पाहून फटाके बनवण्याचा केला प्रयत्न, 5 मुलांसोबत घडली धक्कादायक घटना

मुजफ्फरपुरच्या गायघाटमध्या मुनी कल्याणा गावात ही धक्कादायक घटना घडली. येथे स्फोटक साहित्याचा स्फोट झाला. यानंतर मुलांना उपचारासाठी गयाघाट येथील प्राथमिक आरोग्य केंद्रात दाखल करण्यात आले आहे. गावातील दोन मुलांनी इतर मुलांना बोलावून घेऊन गेले होते, अशी माहिती पीडित मुलांच्या कुटुंबीयांनी दिली.

याबाबत मुजफ्फरपुरचे एसएसपी राकेश कुमार माहिती दिली. त्यांनी सांगितले की, मुनी कल्याणा गावातील 5 मुले यूट्यूब पाहून फटाके कसे तयार करतात, हे शिकत होते. ते सर्वजण बारूद आणि माचिसच्या काड्या ठेवून नवीन फटाके बनवण्याचा प्रयत्न करत होते. मात्र, त्याच क्षणी त्याचा स्फोट झाला आणि सर्व मुले भाजली गेली. सध्या त्यांच्यावर गायघाट येथील प्राथमिक आरोग्य केंद्रात उपचार सुरू आहेत. दरम्यान, या घटनेने मोठा खळबळ उडाली आहे.

आजकाल यूट्यूबवर व्हिडिओ पाहून काहीही बनवता येते. खाण्यापासून ते बारूद बनवण्यापर्यंत सर्वच व्हिडिओ येथे उपलब्ध असतात. अनेक जण हे व्हिडिओ फॉलो करतात. नवनवीन गोष्टी शिकतात. मात्र, कधी कधी हे जीवघेणे ठरू शकते. यूट्यूब पाहिल्यानंतर तुम्हीही असा प्रयोग करण्याचा विचार करत असाल तर सावधान व्हायला हवे.