Arvind Kejriwal : दिल्लीत मोठा उलटफेर, अरविंद केजरीवालांचा पराभवाचा धक्का

अरविंद केजरीवाल यांनी 2013 च्या विधानसभा निवडणुकीत काँग्रेसच्या दिग्गज नेत्या आणि तत्कालीन मुख्यमंत्री शीला दीक्षित यांच्या विरोधात निवडणूक लढवली होती. त्यावेळी केजरीवालांनी दीक्षितांचा पराभव केला होता. त्यानंतर काँग्रेसची या मतदारसंघात पिछेहाट दिसून आली.

आपचे महत्त्वाचे नेते आणि माजी उपमुख्यमंत्री मनिष सिसोदिया यांचाही पराभव झाला आहे. जंगपुरा मतदारसंघातून त्यांना पराभवाचा धक्का बसला आहे.  सिसोदिया हे तीन टर्मचे आमदार असून केजरीवाल सरकारमधील ते महत्त्वाचे नेते होते. दिल्लीतील शिक्षण व्यवस्था सुधारवण्यात त्यांचा महत्त्वाचा वाटा होता. मात्र, अलीकडेच दिल्ली मद्य धोरण घोटळ्यात मनीष सिसोदिया अडकले. त्यांना जेलवारी देखील झाली होती. सिसोदिया हे जामिनावर बाहरे आहेत. सिसोदिया यांना अगदी थोडक्यात पराभव स्वीकारावा लागला आहे.

2014 सालापासून देशात भाजपची सत्ता असूनही दिल्ली विजयाचं भाजपाचं स्वप्नं काही साकार झालेलं नव्हतं, त्यामुळे यंदाच्या निवडणूकीत भाजपाने आपली सर्व ताकद पणाला लावली. 2013, 2015 आणि 2020 असं सलग तीन वेळा आम आदमी पक्षाने निर्विवाद यश मिळवल होतं. आता दिल्लीत भाजपचं कमळ फुलताना दिसत आहे. जवळपास 26 वर्षानंतर दिल्लीच्या सत्तेत भाजप पुनरागमन करणार आहे.