Priyanka Gandhi : 30 वर्षांची राजकीय कारकीर्द, पहिल्यांदाच निवडणूक लढणार प्रियांका गांधी, तारीख ठरली

दिल्ली : महाराष्ट्र आणि झारखंडच्या विधानसभा निवडणुकीच्या तारखा जाहीर करण्यात आल्या आहेत. या दोन राज्यांच्या  निवडणुकांसोबतच देशातील काही ठिकाणच्या लोकसभा आणि विधानसभेच्या जागांची पोटनिवडणूकही होणार आहे. यात केरळमधील वायनाड लोकसभा मतदारसंघाचा समावेश आहे. वायनाडमध्येही २० नोव्हेंबरला मतदान होणार असून २३ नोव्हेंबरला निकाल लागणार आहे. वायनाडमधून प्रियांका गांधी प्रत्यक्ष निवडणुकीच्या मैदानात एन्ट्री करणार आहेत. इथून लोकसभा निवडणुकीत काँग्रेसचे नेते राहुल गांधी यांनी विजय मिळवला होता. पण त्यांनी रायबरेलीतून खासदार राहण्याचा पर्याय निवडलाय. यामुळे आता वायनाडमध्ये पोटनिवडणूक होत आहे. या जागेवर राहुल गांधी यांची बहीण प्रियांका गांधी मैदानात उतरतील. आतापर्यंत पडद्यामागे राहिलेल्या प्रियांका गांधी पहिल्यांदाच थेट निवडणुकीच्या मैदानात उतरणार आहेत. (Priyanka Gandhi)