या डान्सचा गिनीज बुक ऑफ वर्ल्ड रेकॉर्डमध्ये समावेश, तरुणीनं जिंकली सर्वांची मनं, नेमकं काय केलं?

रामपुर : उत्तरप्रदेशातील रामपूरची कन्या श्रीया हिने कथक नृत्यात प्रावीण्य मिळवत आपल्या शहराचेच नव्हे तर प्रदेशाचे नाव मोठे केले आहे. श्रीयाने मध्यप्रदेशात आयोजित खजुराहो नृत्य फेस्टिव्हलमध्ये कथन नृत्य समूहात भाग घेतला. यावेळी तिने सादर केलेल्या नृत्य कलेमुळे सर्वजण मोहित झाले होते. या नृत्यप्रकाराची गिनीज बुक ऑफ वर्ल्ड रेकॉर्डमध्ये नोंद झाली. यामध्ये तब्बल 1500 कलाकारांनी एकाच वेळी नृत्य सादर केले.

मिस्टन गंज येथील रहिवासी असलेल्या श्रीया अग्रवालसोबत लोकल18 च्या टीमने संवाद साधला. यावेळी तिने सांगितले की, मी माझ्या यशाचे श्रेय हे माझे आई-वडील आणि गुरूंना देते. श्रीयाला लहानपणापासूनच नृत्याची आवड आहे. यानंतर तिने पाच वर्षांपासून कथ्थकमध्ये रस दाखवला. व्हाईट हॉल स्कूलमध्ये शिकल्यानंतर श्रीया मेरठला गेली. मेरठ येथे ती सध्या सुभारती विद्यापीठात मास्टर ऑफ परफॉर्मिंग आर्ट्समध्ये अंतिम वर्षाची विद्यार्थिनी आहे.

दरम्यान, श्रीया ही तिथल्या खजुराहो नृत्य महोत्सवात सुवर्णमहोत्सवी सोहळ्यात सहभागी झाली होती. यामध्ये 1500 नृत्य कलाकारांनी एकत्र सहभाग घेतला. हे नृत्य सादरीकरण आता जगात एक विक्रम बनला आहे.