डोळ्यांत अश्रू, हातात फोटो अन् अंगावर वर्दी; शहीद अनुज शर्मांच्या भावी पत्नीचा 'तो' व्हिडिओ पाहून देश हळहळला

फायटर जेट दुर्घटनेनंतर जेव्हा अनुज शर्मा यांचे पार्थिव त्यांच्या मूळ गाव ककराना येथे आणण्यात आले, तेव्हा संपूर्ण गावात शोककळा पसरली. शेकडो ग्रामस्थ त्यांना अखेरचा निरोप देण्यासाठी उपस्थित होते. राजकीय सन्मानाने त्यांच्यावर अंत्यसंस्कार करण्यात आले.

स्क्वॉड्रन लीडर अनुज शर्मा भारतीय वायुसेनेतील धाडसी अधिकाऱ्यांपैकी एक होते. आसाममध्ये सुखोई फायटर जेट दुर्घटनेत त्यांनी आपले प्राण गमावले. त्यांच्या निधानाची बातमी गावात पोहोचताच संपूर्ण परिसरात दु:खाचे वातावरण निर्माण झाले. अंत्यसंस्काराच्या वेळी गावातील मोठ्या संख्येने लोक उपस्थित होते. प्रत्येकाच्या चेहऱ्यावर दु:ख स्पष्ट दिसत होते. मात्र सर्वाधिक भावूक करणारा क्षण म्हणजे त्यांच्या भावी पत्नीचा होता, ज्या वर्दीत उभी राहून त्यांना अखेरचा निरोप देत होती.

अंत्यसंस्काराच्या वेळी अनुज यांच्या लहान भावाने चितेला मुखाग्नी दिली. आई-वडिलांचे रडून वाईट हाल झाले होते. गावकरी शांतपणे उभे राहून हा क्षण पाहत होते. कुठेही गोंधळ किंवा आवाज नव्हता. फक्त चितेवर जळणाऱ्या लाकडांचा आवाज ऐकू येत होता. भावी पत्नी मात्र शांत उभ्या होत्या. त्यांच्या डोळ्यांतून अश्रू वाहत होते, पण त्या तेथून गेल्या नाही. जणू त्या आपल्या प्रेमाला अखेरचा सलाम देत उभ्या होत्या.

अनुज शर्मा यांची भावी पत्नी स्वतः भारतीय वायुसेनेत अधिकारी आहे. त्यामुळे त्यांना लष्करातील जीवनातील धोके किती मोठे असतात, याची जाणीव आहे. मात्र जेव्हा प्रश्न आपल्या सर्वात जवळच्या व्यक्तीचा असतो, तेव्हा वेदना अधिक तीव्र होते.

अनुज शर्मा यांच्या अखेरच्या निरोपाचा प्रसंग अनेकांच्या मनात कायमचा कोरला गेला. वर्दीत उभी असलेली त्यांची भावी पत्नी, हातात फोटो आणि समोर पेटलेली चिता हे दृश्य केवळ दु:खाचे नाही, तर अभिमानाचेही प्रतीक ठरले.