33 प्रवाशांनी भरलेली बस खोल दरीत कोसळली, 3 जणांचा मृत्यू, 30 जखमी, घटनास्थळावरचा VIDEO
- Published by:Kranti Kanetkar
Last Updated:
शिमला-पाँटा साहिबकडे जाणाऱ्या HRTC बसचा कालसी Uttarakhandमध्ये अपघात झाला. ३ मृत, ३१ जखमी. SDRF आणि स्थानिक नागरिकांनी बचावकार्य केले. प्रशासनाची तातडीची धावपळ.
अरुंद रस्त्यावर समोरून येणाऱ्या एका वाहनाला 'पास' देण्याच्या प्रयत्नात बस चालकाचा ताबा सुटला आणि क्षणार्धात ३४ प्रवाशांनी भरलेली ही बस खोल दरीत कोसळली. या भीषण अपघातात ३ प्रवाशांचा करुण अंत झाला असून ३१ जण गंभीर जखमी झाले आहेत. ही धक्कादायक घटना हिमाचल आणि उत्तराखंडच्या सीमावर्ती भागात आज सकाळी एक अत्यंत हृदयद्रावक घटना घडली. शिमल्याहून पाँटा साहिबकडे जाणाऱ्या हिमाचल पथ परिवहन निगमच्या (HRTC) बसला उत्तराखंडमधील कालसी भागात भीषण अपघात झाला
नियोजित प्रवास... पण वाटेतच काळ आडवा आला
मंगळवारी सकाळी शिमल्याच्या चौपाल उपमंडळातून ही बस (HP-66A-2588) आपल्या नियोजित प्रवासासाठी निघाली होती. नेरवा डेपोची ही बस पाँटा साहिबच्या दिशेने जात असताना उत्तराखंडच्या कुआनु-मीनाक रोडवर पोहोचली. रस्ता अरुंद असल्याने समोरून एक वाहन येत होते. त्याला जागा देण्यासाठी चालकाने बस बाजूला घेण्याचा प्रयत्न केला, मात्र डोंगराची कडा खचली आणि बस थेट खोल दरीत गेली. बस कोसळताच प्रवाशांच्या किंकाळ्यांनी संपूर्ण परिसर हादरून गेला.
advertisement
दुर्गम दरी अन् मृत्यूशी झुंज!
अपघात झालेला भाग अत्यंत दुर्गम आणि खोल दरीचा असल्याने बचावकार्यात मोठी अडचण येत होती. घटनेची माहिती मिळताच उत्तराखंड राज्य आपत्ती निवारण दलाच्या (SDRF) डाकपत्थर, चकराता आणि त्यूणी येथील तुकड्या घटनास्थळी दाखल झाल्या. स्थानिक नागरिक आणि पोलिसांनी दोरखंडांच्या साहाय्याने दरीत उतरून जखमींना बाहेर काढण्याचे काम सुरू केले. चिखल आणि झाडाझुडपांमुळे जखमींना रस्त्यापर्यंत आणताना बचाव पथकाची मोठी ओढाताण झाली.
advertisement
Devastating news from Kwanu-Minas road in Dehradun. HRTC bus with over 30 passengers met with an accident in Kalsi, Uttarakhand. 3 people confirmed dead (2 women, 1 man) and nearly 35 injured. Locals are helping with rescue ops rn. This is just tragic. 🙏 pic.twitter.com/xU2OLQLOoi
— Himalayan Hindu (@himalayanhindu) February 3, 2026
advertisement
मदतकार्य आणि प्रशासनाची धावपळ
जखमींना तातडीने रुग्णवाहिकेतून जवळच्या रुग्णालयात हलवण्यात आले असून, काहींची प्रकृती चिंताजनक असल्याचे समजते. बसचा वाहक जगदीश चंद याने दिलेल्या प्राथमिक माहितीनुसार, अपघाताच्या वेळी बसमध्ये ३४ प्रवासी होते. या भीषण दुर्घटनेची माहिती मिळताच हिमाचल आणि उत्तराखंड या दोन्ही राज्यांच्या प्रशासकीय यंत्रणा हलल्या असून, मृतांच्या नातेवाईकांना माहिती देण्याचे काम सुरू आहे. मृतांमध्ये नेमके कोण आहेत, याची ओळख पटवण्याचे काम पोलीस करत आहेत.
Location :
Mumbai,Maharashtra
First Published :
Feb 03, 2026 12:51 PM IST
मराठी बातम्या/देश/
33 प्रवाशांनी भरलेली बस खोल दरीत कोसळली, 3 जणांचा मृत्यू, 30 जखमी, घटनास्थळावरचा VIDEO
