नागरी वस्ती, शाळा आणि हॉस्पिटलवर हल्ले, हवाई अड्ड्यांनाही टार्गेट, सोफिया कुरेशी यांचा पाकला शेवटचा इशारा

भारताच्या कर्नल सोफिया कुरेशी यांनी सीमारेषेवर सुरू असलेल्या कारवायांची सविस्तर माहिती दिली. यावेळी त्यांनी सांगितलं की, शुक्रवारी मध्यरात्री पाकिस्तानकडून भारताच्या २६ ठिकाणांना लक्ष्य करण्याचा प्रयत्न केला. उधमपूर, पठाणकोठ, आदमपूर, भूज आणि बठिंडा येथील भारताच्या हवाई तळाला पाकिस्तानने हानी पोहोचवण्याचा प्रयत्न केला. तसेच श्रीनगर, अवंतीपूर, उधमपूर येथील हवाई दलाच्या तळावरील दवाखाने, शाळा आणि नागरी वस्तीवर देखील पाकिस्तानने भ्याड हल्ला केला.

एलओसीवर पाकिस्तानकडून सातत्याने गोळीबार सुरू आहे. श्रीनगर, नलीयासह 26 ठिकाणांवर पाकिस्तानकडून हल्ला करण्याचा प्रयत्न झाला. मात्र भारतीय सैन्यदलाने हे हल्ले परतून लावले आहेत. पश्चिम सीमेवर पाकिस्तानकडून सतत हल्ले केले जातायत. त्याचबरोबर पाकिस्तानकडून अनेक चुकीच्या बातम्या पसरवण्याचा प्रयत्न केला जातोय.