देशातील सगळ्यात स्वच्छ शहरातील सर्वात वाईट बातमी, दूषित पाण्यामुळे 8 लोकांचा गेला जीव

एकीकडे नवीन वर्षाच्या स्वागताची तयारी सुरू असतानाच, देशातील सर्वात स्वच्छ शहर म्हणून जगप्रसिद्ध असलेल्या शहरात मात्र स्मशानशांतता पसरली होती. इंदूरमधील भागीरथपुरा भागात मात्र खळबळ उडाली आहे. गेल्या काही दिवसांपासून या भागात ड्रेनेजमिश्रित दूषित पाणी पुरवठा होत होता. हे पाणी प्यायल्याने उलट्या आणि जुलाबाचा त्रास सुरू झाला आणि बघता बघता एका आठवड्यात ६ महिलांसह ८ जणांचा मृत्यू झाला. या घटनेने संपूर्ण मध्य प्रदेश हादरून गेला असून, प्रशासनाच्या निष्काळजीपणाचा फटका निष्पाप नागरिकांना बसला आहे.