Chandrayaan-4 सर्वात मोठी अपडेट, इस्रो प्रमुख एस. सोमनाथ यांनी दिली महत्त्वाची माहिती

नवी दिल्ली : गेल्या वर्षी ऑगस्ट महिन्यामध्ये भारताने मिशन चांद्रयान-3 अंतर्गत चंद्राच्या दक्षिण ध्रुवावर यशस्वीरित्या 'सॉफ्ट लँडिंग' करून इतिहास रचला होता. भारताने पाठवलेलं विक्रम लँडर आणि प्रज्ञान रोव्हर अजूनही चंद्रभूमीवर निद्रिस्त अवस्थेत उपस्थित आहेत. त्यामुळे भारत हा चंद्राच्या दक्षिण ध्रुवावर उतरणारा जगातील पहिला देश बनला आहे. चांद्रयान-3 च्या यशानंतर भारतीय अंतराळ संशोधन संस्था (इस्रो) आता चांद्रयान-4 च्या तयारीमध्ये व्यग्र आहे. इस्रोचे प्रमुख एस. सोमनाथ यांनी स्वत: चांद्रयान-4 संदर्भात मोठं अपडेट दिलं आहे. हे मिशन विकासाच्या प्रक्रियेत असल्याचं त्यांनी म्हटलं आहे. अंतराळ संशोधन ही निरंतर चालणारी प्रक्रिया असून देश वेगाने प्रगतीच्या मार्गावर आहे, असंही ते म्हणाले.