जगदीप धनखड कुठे आहेत? काय करतायत? अखेर लागला सुगावा, माजी उपराष्ट्रपतींबाबत मोठी अपडेट

जगदीप धनखड यांनी उपराष्ट्रपती पदाचा राजीनामा देऊन एक महिन्याहून अधिक काळ लोटला आहे. धनखड यांच्या अचानक राजीनाम्याने सर्वांनाच धक्का बसला. विरोधी पक्षांनी प्रथम त्यांच्या राजीनाम्याच्या कारणाबद्दल प्रश्न उपस्थित केले, नंतर सार्वजनिक जीवनातून त्यांच्या गायब होण्याबद्दल शंका उपस्थित केली. २१ जुलै रोजी राजीनामा दिल्यापासून धनखड ना त्यांच्या अधिकृत कार्यालयात गेले, ना उपराष्ट्रपती म्हणून त्यांच्याकडे असणाऱ्या ताफ्याचा वापर केला. धनखड यांच्या मौनाबद्दल आणि सार्वजनिक जीवनातून गायब होण्याबद्दल विविध अंदाज व्यक्त केले जात होते. पण सध्या धनखड कुठे आहेत, ते काय करत आहेत? या सर्व प्रश्नांची उत्तरे सापडली आहेत.