एनडीएचं ठरलं, उपराष्ट्रपतीपदासाठी महाराष्ट्रातला माणूस, भाजपकडून घोषणा

आरोग्याचे कारण देऊन राजीनामा दिलेले मावळते उपराष्ट्रपती जगदीप धनखड यांच्यानंतर राष्ट्रीय लोकशाही आघाडीचे उपराष्ट्रपतीपदाचे उमेदवार कोण असणार, याकडे अनेकांचे लक्ष होते. गेल्या दोन आठवड्यांपासून नव्या उमेदवाराच्या शोधासाठी भाजपने वेळ घेतला. दरम्यानच्या काळात विविध राजकीय समीकरणे डोळ्यासमोर ठेवून अनेक राज्यातील ज्येष्ठ नेत्यांचा उपराष्ट्रपतीपदासाठी विचार झाला. अखेर सीपी राधाकृष्णन यांचे नाव उपराष्ट्रपतीपदाचे उमेदवार म्हणून उमेदवार समितीचे प्रमुख जेपी नड्डा यांनी जाहीर केले.