Lok Sabha Election Result 2024: ठरलं! या तारखेला होणार मोदींचा शपथविधी! शिंदेंनाही मिळणार स्थान, अजितदादांचं काय?

नवी दिल्ली : लोकसभा निवडणुकीचा निकाल स्पष्ट झाला असून कोणत्याही पक्षाला पूर्ण बहुमत मिळालेलं नाही. भाजपप्रणीत एनडीएला 290 जागा मिळाल्या आहेत. तर इंडिया आघाडीला 234 जागा मिळाल्या आहेत. परिणामी सत्तास्थापनेच्या हालचालींना वेग आला आहे. या पार्श्वभूमीवर पंतप्रधान नरेंद्र मोदी यांच्या अध्यक्षतेखाली बुधवारी एनडीएची महत्त्वपूर्ण बैठक झाली. पंतप्रधान निवासस्थानी झालेल्या बैठकीत भाजपचे राष्ट्रीय अध्यक्ष जेपी नड्डा, केंद्रीय गृहमंत्री अमित शहा, बिहारचे मुख्यमंत्री आणि जेडीयू नेते नितीश कुमार आणि टीडीपी प्रमुख चंद्राबाबू नायडू, राज्याचे मुख्यमंत्री एकनाथ शिंदे आणि एनडीएच्या इतर मित्रपक्षांचे अनेक नेते उपस्थित होते. या बैठकीत शपथग्रहण सोहळ्याची तारीख ठरवण्यात आली आहे. दरम्यान, एनडीए सरकारमध्ये शिंदे यांना काय मिळणार?