सोशल मीडियावर प्रेम, पळून लग्न, कोर्टात नोंद; मात्र, पोलिसांसमोर मोठा ट्विस्ट, काय घडलं?

अमेठीच्या कसबा भागातील रहिवासी प्रिन्स बरनवाल आणि पश्चिम बंगालच्या सिलगुडीची रहिवासी निकिता दास या दोघांची सोशल मीडियावरून मैत्री झाली. गप्पा वाढल्यावर दोघांनी एकमेकांना मोबाईल नंबर दिले. आता चॅटिंगवरील गप्पांचं रूपांतर फोनवरील गप्पांमध्ये झालं होतं. त्यातून मैत्री एवढी घट्ट झाली की, दोघं कधी एकमेकांच्या प्रेमात पडले ते त्यांनाच कळलं नाही. दोघांना एकमेकांशिवाय राहणं असह्य झालं होतं. त्यामुळे आता लग्न करूया, असा निर्णय त्यांनी घेतला. त्यासाठी निकिता 23 जुलै रोजी आपल्या घरातून पळून प्रियकराला भेटायला अमेठीत आली. दोन दिवसांत 25 जुलै रोजी दोघांनी एका आश्रमात गुरुजींच्या उपस्थितीत विधिवत लग्न केलं. एवढंच नाही, तर मंदिरात लग्न उरकून त्यांनी कोर्टात त्याची नोंददेखील केली.