महाकुंभाला जाणाऱ्या ट्रेनमध्ये तुफान राडा, 2 गटांनी एकमेकांना लाथा-बुक्क्यांनी धुतलं

उत्तर प्रदेशातील प्रयागराजमध्ये सुरू असलेल्या महाकुंभ मेळ्याचे अखेरचे काही दिवस उरले आहेत. महाशिवरात्रीला महाकुंभ मेळ्याचा शेवटचा दिवस असणार आहे. यामुळे आता प्रयागराजकडे जाणाऱ्या भाविकांची संख्या वाढत आहे. दरम्यान, उत्तर प्रदेशातील चंदौली जिल्ह्यातील दीनदयाळ उपाध्याय (डीडीयू) रेल्वे स्थानकावर प्रवाशांमध्ये वाद झाल्याची घटना समोर आली आहे. रेल्वेत जागा मिळवण्यासाठी दोन गट आपसात भिडले आहेत. त्यांनी ऑन कॅमेरा एकमेकांना मारहाण केली आहे. या घटनेचा व्हिडीओ समोर आला असून सोशल मीडियावर व्हायरल झाला आहे.