Kuwait Fire Accident : पुढच्या महिन्यात लग्न, परतीचं तिकिटही झालं, सर्वजण पाहत होते वाट, पण घडलं भयानक, अजूनही शोध लागेना

दरभंगा : कुवैतमध्ये झालेल्या भीषण अग्निकांडात अनेक भारतीयांचा जीव गेला. यामध्ये बिहारमधील गोपालगंज येथील शिव शंकर सिंह यांचाही समावेश आहे. दरभंगा येथील कालू खानही त्याच बिल्डिंगमध्ये काम करत होते. मात्र, अजूनही त्याचा पत्ता लागलेला नाही आहे. कालू खान याचे लग्न 15-20 जुलै दरम्यान, नेपाळमध्ये होणार होती.

त्याच्या घरी लग्नाची सर्व तयारी होत होती आणि कालू खान कुवैतहून 5 जुलैला येणार होता. त्याचे परतीचे तिकीटही झाले होते. मात्र, याचदरम्यान, त्या इमारतीमध्ये एक भीषण हादसा झाला. कालू खान याचा अजूनही शोध लागलेला नाही. त्यामुळे त्याच्या गावात आणि कुटुंबाला मोठा हादरा बसला आहे.

कालू खान हा दरभंगा जिल्ह्यातील नैनाघाट गावातील वार्ड नंबर 6 मधील इराकी टोला येथील रहिवासी मोहम्मद इस्माइल खान यांच्या दुसरी पत्नी मदीना खातून हिचा मुलगा आहे. तो 7 भाऊ आणि 5 बहिणींमध्ये एकुलता एक कमावणारा होता. त्याच्या पैशातूनच इकडे घराची उपजीविका भागवली जात होती. त्याच्या वडिलांच्या निधनानंतर त्याने आपल्या खांद्यांवर कुटुंबाची जबाबदारी घेतली होती. त्याच्या एका बहिणीचा मृत्यू झाला आहे. तिच्या दीड वर्षांच्या मुलाचेही पालनपोषणाची जबाबदारी त्याच्यावर आहे.

कालू खान याचे लग्न नेपाळमधील सिरहान येथे जुलै महिन्यात होणार होते. तर कालू खान याचा भाचा मोहम्मद ईद खान याने सांगितले की, तेथील राजदूत याबाबत शोध घेत आहे. तसेच कुवैतमध्ये राहणारे भारतीयही शोध घेत आहेत. मात्र, अजूनही कोणताच शोध लागलेला नाही.