modi 3.0 : नरेंद्र मोदी तिसऱ्यांदा देशाचे पंतप्रधान होणार, यांना मिळालं शपथविधीचं आमंत्रण

याआधी 2019 मध्येही पंतप्रधान नरेंद्र मोदी यांच्या शपथविधीला स्वामी जितेन्द्रानंद सरस्वती उपस्थित होते. याबाबत स्वामी जितेन्द्रानंद सरस्वती यांनी सांगितले की, नरेंद्र मोदी तिसऱ्यांदा पंतप्रधानपदाची शपथ घेताना दिसणार आहेत. हा आमच्यासाठी खूप अभिमानाचा क्षण आहे. दिल्लीला जाण्यापूर्वी ते काशी विश्वनाथ मंदिराला भेट देतील आणि पंतप्रधान मोदींच्या यशस्वी 5 वर्षांसाठी प्रार्थना करतील, असेही ते म्हणाले. अखिल भारतीय संत समितीचे राष्ट्रीय सरचिटणीस यांच्या व्यतिरिक्त काशीचे अनेक लोकप्रतिनिधीही याचे साक्षीदार असणार आहेत.

पंतप्रधान नरेंद्र मोदी यांच्या शपथविधीच्या ऐतिहासिक सोहळ्याची तयारी जोरात सुरू आहे. शपथविधी सोहळ्यातील सुरक्षा व्यवस्था अत्यंत चोख ठेवण्यात आली आहे. एनएसजी कमांडोसोबतच निमलष्करी दलाच्या पाच कंपन्या, ड्रोनसह बहुस्तरीय सुरक्षा व्यवस्था आखण्यात आली आहे.