NEET चा दबाव, आणखी एका विद्यार्थिनीची आत्महत्या, अपेक्षित यश न मिळाल्याने उचललं टोकाचं पाऊल

कोटा : कोचिंग नगरी म्हणून देशात कोटा शहर प्रसिद्ध आहे. मात्र, याठिकाणी आत्महत्येच्या घटनांमध्ये मोठी वाढ होताना दिसत आहे. नुकताच नीट परिक्षेचा निकाल जाहीर झाला. यामध्ये अपेक्षित यश न मिळाल्याने एका विद्यार्थिनीने आत्महत्या केली आहे. ही विद्यार्थिनी मध्यप्रदेशातील रहिवासी होती. नीटचा निकाल आल्यानंतर ती तणावात होती. अखेर तिने मोठ्या उंच इमावरतीवरुन उडी घेत आत्महत्या केली.

बुधवारी सायंकाळी 4 वाजेच्या सुमारास तिने आत्महत्या केली. मल्टीस्टोरी बिल्डिंगवरुन उडी घेत तिने आपले जीवन संपवले. अद्याप तिच्या आत्महत्येचे कारण समोर आलेले नाही. पोलिसांनी सांगितले की, 18 वर्षांची विद्यार्थिनी हिचे नाव बागिशा तिवारी असे आहे. ती मध्यप्रदेशातील रीवा येथील रहिवासी होती. कोटामध्ये ही मुलगी आपली आई आणि भावासोबत कोटा येथील जवाहर नगरमध्ये पाचव्या मजल्यावर राहत होती आणि नीटची तयारी करत होती.

दरम्यान, कोचिंग नगरी कोटा येथे आत्महत्येची 11 वी घटना आहे. मागील 6 महिन्यात कोचिंग घेणाऱ्या विद्यार्थ्यांनी 11 विद्यार्थ्यांनी आत्महत्या केल्या आहेत. तर मागच्या वर्षी 29 विद्यार्थ्यांनी आत्महत्या केली आहे.