One Nation One Electionवर मोठी अपडेट; देशातील इतक्या टक्के लोकांना वाटते एकाच वेळी निवडणुका व्हाव्यात

न्यूज18च्या या सर्व्हेत 29 राज्ये आणि केंद्रशासित प्रदेशांतील एकूण 4,573 लोकांच्या मुलाखती घेतल्या. यात मध्य भारतातून 508, पूर्व भारतातून  713, उत्तर भारतातून 1,270, ईशान्य भारतातून 602, दक्षिण भारतातून 911 आणि पश्चिम भारतातून 569 जण सहभागी झाले. मध्य भारतातील 62.6%, पूर्व भागातील 64.7%, उत्तर भागातील 61.5%, ईशान्य भागातील 47.7%, दक्षिण भागातील 49%, आणि पश्चिम भागातील 46.2% लोकांनी एक देश एक निवडणुकीसाठी होकार दर्शवला आहे.

एक देश एक निवडणुकीसाठी संविधानात 82A नावाचे नवीन कलम समाविष्ट केले जाईल. जे देश एकत्रित निवडणुकीकडे कसे जाईल याची प्रक्रिया स्थापित करेल. दुसऱ्या विधेयक संविधानात 324A कलम सादर करेल, ज्याद्वारे नगरपालिका व पंचायत निवडणुका लोकसभा आणि विधानसभा निवडणुका यांच्यासोबत घेण्यासाठी केंद्र सरकारला कायदे करण्याचा अधिकार दिला जाईल.

वन नेशन वन इलेक्शन दोन टप्प्यांत लागू केला जाईल: पहिला टप्पा लोकसभा आणि विधानसभा निवडणुकांसाठी आणि दुसरा टप्पा स्थानिक संस्थांच्या निवडणुका होतील ज्या लोकसभा आणि विधानसभा निवडणुकांनंतर 100 दिवसांच्या आत पार पडतील. यासाठी केंद्र सरकार देशभरात चर्चा सुरू केली आहे. हे विधेयक लोकसभेत सादर करण्यात आले होते. त्यानंतर यावर व्यापक चर्चा करण्यासाठी हे विधेयक संयुक्त संसदीय समितीकडे पाठवण्यात आले.