भाषण बिहारच्या विजयाचं, पण PM नरेंद्र मोदींचा पवार-ठाकरेंना मेसेज? मुस्लिम माओवादी काँग्रेसपासून दूर राहा!

नवी दिल्ली : छठपूजेला ड्रामा म्हणणाऱ्यांना बिहारी जनतेने घरी बसवले. जामिनावरील लोकांना साथ देणार नाही हे बिहारच्या जनतेने दाखवून दिले. काहींनी तुष्टीकरणाच्या राजकारणासाठी MY अर्थात मुस्लिम-यादव अशा फॉर्म्युल्याची घोषणा दिली. पण एनडीएच्या विजयाने MY अर्थात महिला, यूथ समीकरण अधोरेखित झाले, अशा शब्दात पंतप्रधान नरेंद्र मोदी यांनी काँग्रेस अध्यक्ष राहुल गांधी आणि लालू प्रसाद यादव यांच्यावर जोरदार हल्ला केला. तसेच काँग्रेस हा परजीवी पक्ष आहे. काँग्रेसकडे देशासाठी कोणताही सकारात्मक उद्देश नाही. लोकांचा काँग्रेसवरील विश्वास संपला आहे. आजची काँग्रेस लीग ही मुस्लिम माओवादी काँग्रेस अर्थात एमएमसी झाली आहे. आपल्याच मित्रपक्षांनाच संपविणाऱ्या काँग्रेसपासून मित्रपक्षांनी दूर राहायला हवे, असे सांगत नरेंद्र मोदी यांनी अप्रत्यक्षपणे ज्येष्ठ नेते शरद पवार आणि उद्धव ठाकरे यांना संदेश दिल्याची चर्चा आहे.