PM Modi Parliament Speech : पंतप्रधान मोदींचं भाषण सुरू होताच काँग्रेसचा गोंधळ, लोकसभा अध्यक्ष राहुल गांधींवर भडकले

नवी दिल्ली : लोकसभा निवडणुकीनंतर सत्ता स्थापन केल्यानंतर पंतप्रधान नरेंद्र मोदी यांच्या लोकसभेतल्या पहिल्या भाषणाला सुरूवात झाली आहे. राष्ट्रपतींच्या अभिभाषणावर आभार व्यक्त करण्यासाठी पंतप्रधान नरेंद्र मोदी उभे राहिले. पंतप्रधान मोदींचं भाषण सुरू होताच काँग्रेस खासदारांसह विरोधी पक्षांनी गोंधळ घालायला सुरूवात केला, त्यावेळी लोकसभा अध्यक्ष ओम बिर्ला राहुल गांधींवर भडकले. हे संसदेच्या आणि विरोधी पक्षाच्या पदाला शोभा देणारं नाही, असं ओम बिर्ला राहुल गांधींना म्हणाले. पंतप्रधान मोदींच्या भाषणावेळी सुरुवातीपासूनच विरोधकांनी गोंधळ घातला, मोदींच्या भाषणात अडथळा आणल्याने शेवटी लोकसभा अध्यक्ष ओम बिर्ला यांनी विरोधी पक्षनेत्यांना आणि विरोधकांना शांत राहण्याचं आवाहन केलं. पंतप्रधान बोलत असताना विरोधी पक्षनेत्यांनी खासदारांना उभा राहून गोंधळ घालण्याचे आदेश देणं हे चुकीचं आहे. लोकांना वेलमध्ये येण्याचा इशारे करताय हे चुकीची पद्धत आहे, अशा शब्दात लोकसबा अध्यक्षांनी राहुल गांधींना सुनावलं.