Mohan Bhagwat : 75व्या वर्षी नेत्यांनी पद सोडावं? मोहन भागवतांनी दिलं थेट उत्तर, स्वत:च्या रिटायरमेंटवरही बोलले

'संघात, आम्हाला काम दिले जाते, आम्हाला ते हवे असो वा नसो. जरी मी 80 वर्षांचा झालो आणि मला शाखा चालवण्यास सांगितले गेले तरी मला जावेच लागेल. संघ जे सांगेल ते आम्ही करतो. जे काही सांगितले जाईल ते होईल. मी सरसंघचालक आहे, पण तुम्हाला वाटते का की फक्त मीच सरसंघचालक होऊ शकतो? ही कोणाच्या निवृत्तीची बाब नाही', अशी प्रतिक्रिया मोहन भागवत यांनी दिली आहे.

मोहन भागवत यांनी भैयाजी दाणी यांचे उदाहरण दिले. 'भैय्याजी दाणी हे बराच काळ आरएसएसचे कार्यवाह होते. इथे आल्यानंतर पूर्ण वेळ द्यावा लागतो. त्यांचं घर व्यवस्थित चाललं होतं, ते प्रवास करू शकत होते. तसंच आरएसएसला पूर्ण वेळ देऊ शकत होते. आम्ही पूर्णवेळ देतो म्हणून आमच्यावर कामाचा जास्त भार टाकला जातो, आम्ही स्वयंसेवकांचे मजूर आहोत', असं वक्तव्य मोहन भागवत यांनी दिलं आहे.

मोहन भागवत यांना महाकुंभाला न जाण्याबद्दल प्रश्न विचारण्यात आले. 'आम्हाला सांगितले जाते तिथे आम्ही जातो. मी महाकुंभासाठी तारीख घेतली होती पण आमचे लोक तिथे होते. आरएसएस तिथे होती पण मी तिथे नव्हतो. मला सांगण्यात आले की तिथे गर्दी असेल. कृष्ण गोपालजींनी माझ्यासाठी पाणी पाठवले. मौनी अमावस्येच्या दिवशी मी त्या पाण्याने आंघोळ केली. आरएसएसने मला सांगितले आणि मन त्या कामापासून वंचित राहिले. जर आरएसएसने मला नरकात जाण्यास सांगितले तर मी जाईन', असंही मोहन भागवत म्हणाले आहेत.