Ram Mandir : सोनिया गांधी राम मंदिराच्या लोकार्पणाला जाणार का नाही? काँग्रेसने स्पष्टच सांगितलं

नवी दिल्ली : 22 जानेवारीला अयोध्येमध्ये राम मंदिराचं लोकार्पण होणार आहे. पंतप्रधान नरेंद्र मोदी यांच्या उपस्थितीमध्ये रामलल्लांच्या मूर्तीची प्राणप्रतिष्ठापना केली जाणार आहे. या सोहळ्यासाठी देशभरातले मान्यवर, सेलिब्रिटी आणि नेत्यांना आमंत्रण देण्यात आलं आहे. काँग्रेस नेत्या सोनिया गांधी, काँग्रेस अध्यक्ष मल्लिकार्जुन खर्गे आणि काँग्रेसचे लोकसभेतले नेते अधीररंजन चौधरी यांनाही विश्व हिंदू परिषदेने या सोहळ्याचं निमंत्रण दिलं. सोनिया गांधी या सोहळ्याला उपस्थित राहणार का नाही? याबाबत चर्चा सुरू होत्या, पण आता काँग्रेसने याबद्दलची भूमिका स्पष्ट केली आहे.