Vice President Election: एनडीएचं ठरलं! उपराष्ट्रपतीपदाचा चेहरा मोदी आणि नड्डा ठरवणार

नवी दिल्ली : संसदेत पावसाळी अधिवेशन सुरू असतानाच उपराष्ट्रपती जगदीप धनखड यांनी प्रकृतीच्या कारणास्तव आपल्या पदाचा राजीनामा दिला असून, त्यामुळे उपराष्ट्रपतीपद आता रिक्त झाले आहे. या पार्श्वभूमीवर नव्या उपराष्ट्रपतीच्या निवडीसाठी केंद्रीय निवडणूक आयोगाने निवडणुकीचा कार्यक्रम जाहीर केला आहे. या निवडणुकीसाठी ९ सप्टेंबर रोजी मतदान होणार आहे. या निवडणुकीत एनडीएचा उमेदवार कोण असणार याची उत्सुकता होती. अखेर उपराष्ट्रपती पदाचा उमेदवार ठरवण्याची जबादारी पंतप्रधान मोदी आणि भाजप अध्यक्ष जे पी नड्डा यांच्यावर सोपवण्यात आली आहे.