भाजी विकणारा हसन कसा झाला इस्रायलचा सगळ्यात मोठा दुश्मन? हिजबुल्लाहच्या प्रमुखाची गोष्ट

Hassan Nasrallah: इस्रायल आणि हमास यांच्यातील युद्ध थांबविण्याचा प्रयत्न सुरू असताना इस्रायलमध्ये आणखी एका नवीन संघर्षाला सुरुवात झाली आहे. इस्रायल आणि लेबनीज दहशतवादी गट हिजबुल्लाह यांच्यातला लष्करी संघर्ष तीव्र झाला आहे. गेल्या काही दिवसांपासून इस्रायल सातत्याने हिजबुल्लाहचे तळ आणि प्रमुख नेत्यांना लक्ष्य करत आहे. बैरूतमधल्या हिजबुल्लाहच्या मुख्यालयावर शुक्रवारी रात्री झालेल्या हल्ल्यात या संघटनेचा प्रमुख हसन नसरल्लाह मारला गेल्याचं इस्रायली लष्कराने म्हटलं आहे. नसरल्लाहच्या मृत्यूची बातमी हिजबुल्लाहसाठी मोठा धक्का आहे. एका भाजी विक्रेत्याचा मुलगा असलेल्या नसरल्लाहचं हिजबुल्लाहला शक्तिशाली लष्करी आणि राजकीय संघटना बनवण्यात मोठं योगदान होतं.