76 जवान झाले होते शहीद, 1 कोटीचंं बक्षीस असलेला जहाल माओवादी बसवा राजू अखेर मेला!

माओवादी कमांडर बसवा राजू हा अनेक मोठ्या नक्षलवादी हल्ल्यांचा सूत्रधार होता. २००३ मध्ये अलिपिरी बॉम्ब हल्ल्यातही त्याने महत्त्वाची भूमिका बजावली होती. २०१० मध्ये त्याने दंतेवाडा येथे एका हल्ल्यात घातपात घडवून आणला. या हल्ल्यात ७६ सीआरपीएफ जवान शहीद झाले. त्याने एमटेक पर्यंत शिक्षण घेतलं. तो गनिमी युद्ध आणि आयईडी लावण्यात खूप कुशल होता. राजूबद्दल जाणून घेतल्यानंतर, माओवादी संघटनेत नेतृत्वाचा अभाव स्पष्टपणं दिसून येईल. तो माओवादी संघटनेचा थिंक टँक समजला जात होता त्याने अबुझहमद परिसरात राज्य केलं. आता त्याच्या मृत्यूनंतर तरुण संघटनेपासून दूर जातील. या यशस्वी कारवाईद्वारे उर्वरित माओवाद्यांना आत्मसमर्पण करण्याचा स्पष्ट संदेश देण्यात आला, असं सुरक्षा अधिकाऱ्यांचं मत आहे. आता, यामुळे उर्वरित केडरमध्येही फूट पडू शकते.