Festival Special Train: चाकरमान्यांचा दसरा-दिवाळीही होणार खास, कोकणासाठी विशेष ट्रेन, बघा वेळापत्रक

मुंबई: गणेशोत्सवापाठोपाठ शारदीय नवरात्री, दसरा आणि दिवाळी यांसारखे मोठे उत्सव येतात. सणासुदीच्या काळात नोकरी आणि व्यवसायानिमित्त आपल्या मूळ गावापासून दूर असलेले लोक आपापल्या गावी जातात. परिणामी या काळात वाहतुक व्यवस्थेवर ताण येतो. विशेषत: सणासुदीच्या काळात रेल्वे प्रवाशांच्या संख्येत लक्षणीय वाढ होते. तिकीट न मिळाल्याने अनेकदा प्रवाशांची गैरसोय देखील होते. ही बाब लक्षात घेऊन रेल्वे प्रशासनाने एक महत्त्वाचा निर्णय घेतला आहे. मध्य रेल्वेने सणासाठी विशेष ट्रेन चालवण्याच्या निर्णय घेतला आहे.