Pahalgam Attack: पहलागाम हल्ला प्रकरणी मोठी माहिती समोर, NIA ने केला महत्त्वाचा खुलासा, दहशतवाद्यांना कुणी दिला आसरा?

एनआयएने दहशतवाद्यांकडून अनेक डिजिटल उपकरणं जप्त केली आहेत. त्यांची फॉरेन्सिक तपासणी केली जात आहे. याशिवाय, घटनास्थळावरून सापडलेले रिकामे काडतुसं देखील त्याच शस्त्रांशी जुळतात. हे दहशतवाद्यांनी वापरले होते. या तांत्रिक पुराव्यांवरून हा हल्ला अतिशय सुनियोजित पद्धतीने करण्यात आल्याचं सिद्ध होतं.

दहशतवाद्यांना आश्रय देणाऱ्या दोन स्थानिक लोकांना या कामाच्या बदल्यात फक्त ३००० रुपये मिळाले असल्याचे तपासात उघड झालं आहे. दोन्ही आरोपींना एनआयएने अटक केली आहे आणि त्यांची चौकशी केली जात आहे. स्थानिक मदतीशिवाय दहशतवादी इतका मोठा हल्ला करू शकले नसते, असं एजन्सीचं मत आहे.

पहलगाम हे एक लोकप्रिय पर्यटन स्थळ आहे जे शहरापासून दूर आहे. यामुळेच दहशतवाद्यांना ते लक्ष्य करायचे होते जेणेकरून जास्तीत जास्त लोक प्रभावित होतील आणि सुरक्षा दलांना घटनास्थळी पोहोचण्यास वेळ लागेल. ही रणनीती कामी आली आणि हल्ल्यादरम्यान परिसरात दहशत पसरली.  सध्या, एनआयए हाशिम मुसाच्या भूमिकेच्या आणि डिजिटल पुराव्यांच्या आधारे संपूर्ण कट उघड करण्यात गुंतले आहे. या प्रकरणात आणखी अटक होऊ शकते, असे तपास यंत्रणेचं म्हणणं आहे.