Parliament Security Breach: लोकसभेत स्मोक कँडल फुटत होत्या, तेव्हा काय करत होते राहुल गांधी? Photo आला समोर

संसदेमध्ये झालेल्या या हल्ल्यानंतर चौघांना अटक करण्यात आली आहे. या चौघांचीही सुरक्षा यंत्रणांकडून चौकशी केली जात आहे. आजच्याच दिवशी 2001 साली संसदेवर दहशतवाद्यांनी हल्ला केला होता. याच दिवशी 22 वर्षांनंतर पुन्हा एकदा संसदेमध्ये ही घटना घडली आहे. दोन व्यक्ती बुटांमध्ये स्मोक कॅन्डल लपवून संसदेत शिरले. यानंतर संसदेचं कामकाज सुरू असताना अचानक एका युवकाने गॅलरीमधून खाली उडी मारली. उडी मारताच या युवकाने स्मोक कॅन्डलचा स्प्रे उडवायला सुरूवात केली, यामुळे संसदेत अचानक पिवळा धूर यायला सुरूवात झाली, यामुळे संसदेत गोंधळाचं वातावरण निर्माण झालं. संसदेत पकडलेल्यांपैकी एकजण महाराष्ट्रातील लातूरचा असून त्याचं नाव अमोल शिंदे आहे.

संसदेत उपस्थित असलेल्या सुरक्षा रक्षकांनी तत्काळ दोन्ही आरोपींना ताब्यात घेतलं, तसंच संसदेबाहेर असलेल्या दोन आरोपींनाही पकडण्यात आलं.

या हल्ल्याच्या आधी एका महिलेने संसदेबाहेर गोंधळ घातला होता. महिलेचं नाव नीलम पुत्री कौर सिंग आहे. नीलम हिसारच्या रेड स्क्वेअर भागात राहणारी असून तिचं वय 42 वर्ष आहे. ही महिला सिव्हील सर्व्हिसची तयारी करत होती.