हातात हात घालत दोन्ही तरुणी पोलीस ठाण्यात, म्हणाल्या, 'आम्हाला एकमेकींसोबत निकाह करायचाय', नेमकं काय घडलं?

काही दिवसांपूर्वी हरिद्वारच्या ज्वालापूर येथील एक मुलगी आपल्या कुटुंबीयांसह पिरान करियर दरगाह येथे आली होती. इथे तिची भेट सहारनपूर येथील मुलीसोबत झाली. दोघांनी एकमेकींचे नंबर घेतले. यानंतर त्या फोनवर नियमितपणे बोलू लागल्या. तसेच व्हॉट्सअपवरही चॅट करू लागल्या. यानंतर त्या दोघींच्या मैत्रीचे रुपांतर प्रेमात झाले आणि दोघींनी एकमेकींसोबत आयुष्यभर एकत्र राहण्याचा निर्णय घेतला.

यानंतर सहारनपूर येथील मुलगी ज्वालापूर येथे आली. दोन्ही तरुणी स्थानिक पोलिस ठाण्यात आल्या आणि आम्हाला एकमेकींसोबत राहायचे आहे, आमच्या दोघींचा एकमेकींसोबत निकाह करुन देण्यात यावा, अशी मागणी त्यांनी केली. त्यांना समजावले मात्र त्या ऐकण्याच्या स्थितीत नव्हत्या. यामुळे त्यांच्या कुटुबीयांना याबाबतची माहिती देण्यात आली. यानंतर त्यांचे कुटुंबीय पोलीस ठाण्यात पोहोचले. यानंतर त्या दोघींना त्याच्या कुटंबीयांच्या ताब्यात देण्यात आले, अशी माहिती ज्वालापूर पोलीस ठाण्याचे इन्चार्ज निरीक्षक रमेश तनवार यांनी दिली.