Chandra Grahan 2026: आजचं चंद्र ग्रहण कसं होणार? पूर्ण, आंशिक आणि उपछाया चंद्रग्रहणामधील कन्फ्युजन दूर करा

चंद्रग्रहण कसे लागते?वैज्ञानिक तथ्य - विज्ञानाच्या दृष्टीने पाहिले तर चंद्रग्रहण तेव्हा होते जेव्हा पृथ्वी, सूर्य आणि चंद्र एका रेषेत येतात. यावेळी पृथ्वी सूर्याचा प्रकाश चंद्रापर्यंत पोहोचण्यापासून रोखते. जसा चंद्र पृथ्वीच्या छायेत प्रवेश करतो, तसा त्याचा उजळ चेहरा धूसर होऊ लागतो. पूर्ण ग्रहणाच्या स्थितीत तो लाल रंगाचा दिसतो, ज्याला ब्लड मून असेही म्हणतात.

चंद्रग्रहणाचे प्रकार -पूर्ण चंद्रग्रहण - जेव्हा चंद्र पृथ्वीच्या गडद छायेत (अम्ब्रा) पूर्णपणे प्रवेश करतो, तेव्हा त्याला पूर्ण चंद्रग्रहण म्हणतात. यावेळी पृथ्वीच्या वातावरणातून परावर्तित झालेला प्रकाश चंद्रावर पडल्याने तो लाल दिसतो. ज्योतिषानुसार, ही वेळ आत्मचिंतन आणि साधनेसाठी अत्यंत महत्त्वाची असते. 

आंशिक चंद्रग्रहण - जेव्हा चंद्र पृथ्वीच्या छायेतून अंशतः जातो, तेव्हा त्याचा काही भाग गडद किंवा लाल दिसतो. याला खंडग्रास किंवा आंशिक चंद्रग्रहण म्हणतात. हे ग्रहण करिअर किंवा नात्यांवर परिणाम करणारे मानले जाते.

उपछाया चंद्रग्रहण - कधीकधी चंद्र पृथ्वीच्या उपछायेतून (फिक्कट सावली) जातो. यामध्ये चंद्राचा रंग थोडा मळकट दिसतो, पण फारसा मोठा बदल जाणवत नाही. ज्योतिषी याला सूक्ष्म ऊर्जा बदलाचा काळ मानतात.

काय करावे आणि काय टाळावे?परंपरेनुसार, ग्रहणाच्या काळात नामस्मरण, ध्यान आणि सकारात्मक विचारांवर भर दिला जातो. अनेक लोक ग्रहण संपल्यानंतर स्नान करून घर शुद्ध करतात. वैज्ञानिक दृष्टिकोनातून जरी अनेक बंधने नसली, तरी श्रद्धेचा भाग म्हणून आजही अनेक घरांमध्ये या नियमांचे पालन केले जाते.