Astrology: जन्माष्टमीनंतर शुक्र-बुधाचा शुभ संयोग! लक्ष्मी-नारायण योगात 3 राशींचे फावणार, हाताला यश

ज्योतिषशास्त्रानुसार, जेव्हा दोन ग्रह एकाच राशीत एकत्र येतात, तेव्हा त्याला ग्रह युती म्हणतात. शुक्र आणि बुधाचा शुभ संयोग किंवा युती विशेषतः महत्त्वपूर्ण मानली जाते. हा संयोग ज्योतिषशास्त्रात अत्यंत शुभ मानला जातो आणि त्याला अनेकदा लक्ष्मी नारायण योग असेही म्हणतात.

21 ऑगस्ट रोजी शुक्र आणि बुध कर्क राशीत एकत्र येणार आहेत, ज्यामुळे लक्ष्मी नारायण योग निर्माण होईल. या योगामुळे काही राशीच्या लोकांचे भाग्य उजळणार आहे, याविषयी सविस्तर जाणून घेऊ.

मेष - या योगामुळे मेष राशीच्या लोकांचे नशीब उजळेल. तुम्ही कोणतेही काम हाती घ्याल, त्यात तुम्हाला यश मिळेल. या काळात तुम्ही नवीन वाहन किंवा घर खरेदी करू शकता. पैशाशी संबंधित सर्व अडचणी दूर होतील. तुम्ही नवीन काम सुरू करण्याचा विचार देखील करू शकता. तुमची एखाद्या खास व्यक्तीशी भेट होईल.

कर्क राशीच्या लोकांना चांगले पैसे मिळण्याची शक्यता आहे. तुमच्या आयुष्यात आनंदाचे प्रसंग येतील. तुम्हाला काही मोठी गोष्ट मिळू शकते. अडकलेले काम पूर्ण होईल. तुमचा कामातील आत्मविश्वास वाढेल. पैसे मिळण्याचे नवीन मार्ग सापडतील. तुम्हाला प्रत्येक कामात कुटुंबातील सदस्यांचा पाठिंबा मिळेल.

कन्या: नोकरीत पदोन्नतीची शक्यता आहे. कन्या राशीच्या लोकांना नोकरीत पदोन्नती मिळेल. प्रलंबित काम पूर्ण होईल. समाजात आदर वाढेल. कठोर परिश्रमाचे फळ मिळेल. उत्पन्नाचे नवीन मार्ग सापडतील. कामाच्या ठिकाणी तुमच्या कामाचे कौतुक होईल. परदेशात नोकरी मिळवण्याचे तुमचे स्वप्न पूर्ण होऊ शकते. नातेसंबंधांमधील गैरसमज दूर होतील.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)