सावधान! 'या' मूलांकांचे लोक असतात शॉर्ट टेम्पर्ड, यांच्यापासून थोडं जपूनच राहा; तुमचा नंबर तर नाही ना?

अंकशास्त्रामध्ये प्रत्येक मूलांकाचा संबंध एका विशिष्ट ग्रहाशी असतो. ज्याप्रमाणे ग्रहांचे स्वभाव असतात, तसेच गुणधर्म त्या मूलांकाच्या व्यक्तींमध्ये दिसून येतात.

काही लोक स्वभावाने खूप शांत असतात, तर काही लोक छोट्या-छोट्या गोष्टींवरून लगेच संतापतात. अंकशास्त्रानुसार, काही विशिष्ट मूलांक असलेल्या व्यक्तींचा स्वभाव अतिशय गरम आणि रागीट मानला जातो.

मूलांक 1: सूर्याप्रमाणे हे लोक तेजस्वी आणि महत्त्वाकांक्षी असतात. त्यांच्यात उपजत नेतृत्वगुण असतात, पण ते कोणाच्या हाताखाली काम करणे पसंत करत नाहीत. जेव्हा त्यांच्या स्वाभिमानाला धक्का लागतो किंवा गोष्टी त्यांच्या मनाप्रमाणे घडत नाहीत, तेव्हा त्यांचा राग सूर्याच्या उष्णतेसारखा प्रखर असतो.

मूलांक 3: 3, 12, 21 किंवा 30 तारखेला जन्मलेल्यांचा मूलांक 3 असतो. त्यांचा स्वामी ग्रह बुध आहे. हे लोक स्वभावाने दयाळू आणि धाडसी असतात, परंतु अन्याय किंवा अपमान सहन करू शकत नाहीत. ते छोट्या छोट्या गोष्टींवरून रागावतात. या मूलांकाचे लोक सर्वात लवकर रागावतात. जरी त्यांचा राग जास्त काळ टिकत नसला तरी, त्या काळात ते अनेकदा नियंत्रण गमावतात, ज्यामुळे नुकसान होऊ शकते.

मूलांक 4: राहूच्या प्रभावाखाली असलेले मूलांक 4 चे लोक हट्टी आणि उग्र असतात. ते बदल किंवा इतरांचे मत सहज स्वीकारत नाहीत, ज्यामुळे वाद निर्माण होतात. तथापि, त्यांची तर्कशक्ती मजबूत असते आणि ते नेहमीच इतरांना मदत करण्यास तयार असतात. जर ते त्यांच्या रागावर नियंत्रण ठेवू शकले तर ते खूप यशस्वी होऊ शकतात.

मूलांक 9: मंगळ हा युद्धाचा आणि ऊर्जेचा कारक आहे. त्यामुळे या लोकांच्या रक्तामध्येच उष्णता असते. हे लोक खूप धाडसी आणि शिस्तप्रिय असतात, पण त्यांना कोणाचाही हस्तक्षेप आवडत नाही. जर कोणी त्यांच्या कामात अडथळा आणला किंवा त्यांना चुकीचे ठरवले, तर ते क्षणार्धात 'आगपाखड' होतात.

अंकशास्त्रानुसार, प्रत्येक संख्येचा स्वतःचा स्वामी ग्रह असतो, जो व्यक्तीच्या स्वभावावर प्रभाव पाडतो. पण लक्षात ठेवा, राग ही व्यक्तीची सर्वात मोठी कमजोरी देखील असू शकते. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)