146 दिवस कसोटीचा काळ! रेवती नक्षत्रात शनीचा प्रवेश 4 राशींच्या वाढवणार अडचणी, कोणाला सोसावे लागणार हाल?

ज्योतिषशास्त्रानुसार शनीची चाल अत्यंत संथ असली तरी त्याचे नक्षत्र परिवर्तन मानवी जीवनावर खोलवर परिणाम करते. 17 मे 2026 रोजी दुपारी 3 वाजून 49 मिनिटांनी शनी देव बुधाच्या अधिपत्याखालील 'रेवती' नक्षत्रात प्रवेश करतील. रेवती हे नक्षत्रांमधील शेवटचे नक्षत्र असून ते मीन राशीत येते.

शनी या नक्षत्रात 9 ऑक्टोबर 2026 पर्यंत म्हणजेच सुमारे 146 दिवस राहणार आहे. या काळात शनीची 'तिसरी' आणि 'दहावी' दृष्टी काही राशींसाठी अडचणीची ठरू शकते. विशेषतः 4 राशींच्या जातकांसाठी हा काळ 'कसोटीचा' असेल.

मेष - मानसिक तणाव आणि वाढता खर्च: मेष राशीच्या लोकांसाठी शनी सध्या 12 व्या भावात आहे, ज्यामुळे तुमच्यावर साडेसातीचा प्रभाव आहे. रेवती नक्षत्रातील शनीमुळे तुमच्या खर्चात अचानक मोठी वाढ होऊ शकते. विनाकारण प्रवास करावा लागल्याने शारीरिक आणि मानसिक थकवा जाणवेल. या काळात कोणालाही मोठे वचन देऊ नका किंवा मोठी गुंतवणूक करू नका, अन्यथा आर्थिक नुकसान सोसावे लागेल.

कर्क - नशिबाची साथ कमी आणि कामात विलंब: कर्क राशीच्या जातकांसाठी शनीचे हे नक्षत्र परिवर्तन भाग्याच्या स्थानात अडथळे निर्माण करू शकते. कठोर परिश्रम करूनही कामाचे श्रेय दुसऱ्यालाच मिळण्याची शक्यता आहे. वडिलांशी किंवा गुरुतुल्य व्यक्तींशी मतभेद होऊ शकतात. या काळात तुमच्या संयमाची मोठी परीक्षा घेतली जाईल, त्यामुळे घाईत कोणतेही निर्णय घेऊ नका.

कुंभ - साडेसातीचा शेवटचा टप्पा आणि आर्थिक चणचण: कुंभ राशीसाठी साडेसातीचा अंतिम टप्पा सुरू आहे. शनीच्या नक्षत्र बदलामुळे तुमच्या उत्पन्नाचे स्रोत कमी होऊ शकतात किंवा येणारा पैसा अडकू शकतो. आरोग्याबाबत दुर्लक्ष करू नका, विशेषतः पाय किंवा डोळ्यांशी संबंधित समस्या उद्भवू शकतात. कौटुंबिक जबाबदाऱ्यांमुळे तुम्हाला स्वतःसाठी वेळ काढणे कठीण जाईल.

मीन - साडेसातीचा मध्य काळ आणि वैयक्तिक समस्या: शनी सध्या तुमच्याच राशीत असून रेवती नक्षत्रात त्याचा प्रवेश तुमच्यासाठी अधिक आव्हानात्मक असेल. तुमच्या स्वभावात चिडचिडेपणा वाढू शकतो, ज्याचा परिणाम तुमच्या नात्यांवर होईल. व्यावसायिक भागीदारीत फसवणूक होण्याची शक्यता असल्याने व्यवहाराबाबत सावध राहा. आत्मविश्वासाच्या अभावामुळे तुम्ही सुवर्णसंधी गमावू शकता.