ShaniDev: साडेसातीचे आता खरे रंग दिसणार; शनि मार्गी झाल्यावर या राशीच्या लोकांवर संकटांचे डोंगर

शनी प्रत्येक व्यक्तीच्या शुभ-अशुभ कर्मांचा हिशोब ठेवतो आणि त्यानुसार त्याला फळ देतो. तुम्ही जे पेराल, तेच तुम्हाला शनीच्या महादशेत, साडेसातीमध्ये किंवा अडीचकीमध्ये मिळते. शनी न्यायासाठी कठोर असतो. तो अहंकार, गर्व आणि अधर्म सहन करत नाही. कठोर शिक्षा देऊन तो व्यक्तीला शुद्ध करतो आणि माणुसकी शिकवतो.

शिक्षणाचे आणि अनुभवाचे कारक शनी हा शिस्त, संयम, कष्ट, तपस्या आणि विलंब यांचा कारक आहे. तो सहजपणे काहीही देत नाही, तो कष्टातून आणि अनुभवातून ज्ञान देतो. दीर्घायुष्य आणि दुःख शनी दीर्घायुष्याचा कारक आहे. त्याचबरोबर जीवनातील दुःख, अडचणी, संघर्ष आणि विरक्ती यांचाही कारक शनीच आहे.

शनीची सरळ चाल अनेकांसाठी शुभ संधी घेऊन येईल, परंतु सध्या शनीच्या साडेसातीच्या प्रभावाखाली असलेल्या राशींना विशेषतः सावधगिरी बाळगण्याची आवश्यकता आहे. शनीच्या सरळ चालीमुळे कोणत्या राशींना सावधगिरी बाळगण्याची आवश्यकता आहे, त्याविषयी अधिक जाणून घेऊया.

मेष - मेष राशीचे लोक सध्या शनीच्या साडेसातीचा अनुभव घेत आहेत. या व्यक्तींसाठी हा काळ मिश्रित परिणाम आणू शकतो. या काळात घाईघाईने निर्णय घेणे टाळा, कारण यामुळे नुकसान होऊ शकते. तुम्हाला कामावर कठोर परिश्रम करावे लागतील. छोट्या छोट्या गोष्टींवरून कुटुंबात मतभेद होण्याची शक्यता असेल.

मीन - मीन राशीसाठी हा काळ सर्वात आव्हानात्मक खडतर मानला जाऊ शकतो. शनीच्या सरळ चालीमुळे मानसिक ताण, आर्थिक नुकसान आणि कर्ज वाढण्याची शक्यता आहे. आरोग्याबाबत निष्काळजीपणा महागात पडू शकतो. कौटुंबिक जीवनातही गोंधळ निर्माण होऊ शकतो.

कुंभ - कुंभ राशीला शनीची साडेसातीची जरा बरी वेळ येत आहे. आर्थिक संकटे आणि आरोग्याशी संबंधित समस्या उद्भवू शकतात. नोकरी करणाऱ्या व्यक्तींना कठोर परिश्रम करावे लागतील आणि व्यावसायिकांना आर्थिक व्यवहारात सावधगिरी बाळगावी लागेल. या काळात कुटुंबातील वृद्धांच्या आरोग्याची विशेष काळजी घेणं महत्त्वाचं आहे.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)