Today Rashibhvishya: विनायकी चतुर्थीला आज चंद्राचं धनु राशीत भ्रमण, पहा दैनिक राशीभविष्य

मेष - चंद्र भ्रमण आज भाग्यस्थानात असून मानसिक शांतता लाभेल. संततीसाठी लाभदायक असून कौटुंबिक संबंध वाढवेल. मातृभेट होईल. धार्मिकदृष्ट्या उत्तम फळ देईल. दिवस चांगला.

वृषभ - आज अष्टम स्थानात चंद्र योग आहे. ठरविलेले काम होणार नाही. प्रवास जपून करा. वैवाहिक जीवनात सांभाळून रहा. संतती संबंधी आणि घरात अडचणी आल्या तरी यश मिळेल. दिवस मध्यम.

मिथुन - सप्तम स्थानातील चंद्र शुभ वर्तमान आणेल. भाग्यात शनि आहे. मंगळ संतती चिंता लावेल. वाहन घेण्याचे ठरेल. शुक्र भावाकडून लाभ देईल. वैवाहिक जीवनात जबाबदारी येईल. दिवस मध्यम.

कर्क - कुटुंबात ताण असले तरी तुमचे निर्णय घ्या. कायद्याचे पालन करा. आरोग्य जपा, असे ग्रह सांगत आहेत. वैवाहिक सुख मिळेल तसेच प्रवास आणि व्यावसायिक जबाबदाऱ्या पार पाडाल. दिवस मध्यम.

सिंह - मानसिक ताणतणाव होऊ शकतो. भाग्य स्थानातील ग्रहयोग धार्मिक बाबीत आस्था निर्माण करेल. वयोवृद्ध मंडळींनी सावध रहा. प्रकृती जपा, पंचम स्थानातील चंद्र शैक्षणिक, व्यावसायिक जीवन यासाठी फळ देईल. दिवस उत्तम.

कन्या - महत्त्वाच्या कामात व्यग्र राहाल. घरातील लोकांना खूश करण्यासाठी प्रयत्न कराल. चंद्र चतुर्थ स्थानात साधारण फळ देईल. जोडीदाराकडून फायदा होईल. प्रकृती अस्वास्थ्यामुळे तणाव राहील. वैवाहिक जीवन मध्यम राहील. दिवस मध्यम.

तूळ - ईश्वरी चिंतनात मन लीन होईल. कार्यालयात मन द्विधा करणारी बातमी मिळेल. खर्च आणि नुकसान त्रस्त करतील. प्रवास योग येतील. परदेशसंबंधी व्यवहारात यश मिळेल. कौटुंबिक जीवनात कलह, गैरसमज होतील. दिवस मध्यम.

वृश्चिक - मनावरील ताण दुपारनंतर वाढेल. नवीन ओळख होईल. चंद्र लाभस्थानात अधिकारी वर्ग आणि वडिलांकडून सहयोग देईल. आर्थिक लाभ होतील. नातेसंबंध जपा. आरोग्य ठीक राहणार नाही. दिवस मध्यम.

धनु - रागावर ताबा ठेवा. वैवाहिक जीवनात कलह होण्याची शक्यता आहे. चंद्र आर्थिक लाभ देईल. प्राप्ती होईल पण खर्चही होईल. कार्यालयीन कामकाज सुरू राहील. प्रवासात जास्त दगदग टाळा. दिवस मध्यम.

मकर - कुटुंबात चांगले वातावरण राहील. चांगली बातमी मिळेल, धंदा वाढेल. महत्त्वाचे काम टाळण्याचा प्रयत्न करा. व्यय चंद्र आहे. खर्च होईल पण समाधानी वाटेल. परदेश प्रवास योग येतील. दिवस मध्यम.

कुंभ - आज प्रकृतीविषयी समस्या असतील तर सोडवण्यात वेळ लागेल. महत्त्वाच्या वस्तू सांभाळा. वाहन जपून चालवा. प्रवास योग येतील. आर्थिक व्यय होतील. संततीला वेळ द्या. दिवस मध्यम.

मीन - कुटुंबात महत्त्वाची घडामोड होईल. गृह सौख्य मिळेल. वैवाहिक जीवन ठीक राहील. आर्थिकदृष्ट्या ठीक असून संतती जपा. दशम स्थानात चंद्र आहे. नोकरीमध्ये जपून रहा. प्रवासात वेळ जाईल. दिवस चांगला.शुभम भवतू!!