Tata च्या 'ब्युटी'ने गाजवलं मार्केट आता 'ती' परत येतेय,Thar चं मार्केट करणार जाम

भारतात सध्या टाटा मोटर्सने मार्केटमध्ये आपली जागा चांगलीच भक्कम केली आहे. आता टाटा मोटर्स ९० च्या दशकामध्ये मार्केट गाजवणारी  Sierra नव्या रुपात आणि नव्या ढंगात मार्केटमध्ये लाँच करणार आहे.  पण Sierra लाँचिंगचा मुहुर्त आता लांबला आहे. भारतात नव्या Sierra चं EV, पेट्रोल आणि डिझेल मॉडेल लाँच केलं जाईल. ही नवी सियारा ही टाटाच्या Gen2 EV प्लॅटफ़ॉर्मवर तयार केली आहे. पण सियाराच्या लाँचिंग लांबलं आहे.  

 Tata Sierra ची पहिली झलक ही दिल्लीच्या ऑटो एक्स्पो २०२५ मध्ये पाहण्यास मिळाली होती. त्यामुळे  Tata Sierra मे आणि जून महिन्यात लाँच होईल, अशी शक्यता होती. 

पण आता मिळालेल्या माहितीनुसार, जून महिन्यानंतर ही नवी Sierra लाँच होणार असल्याची माहिती समोर आली आहे. या नव्या  Tata Sierra मध्ये दमदार असे फिचर्स लाँच केले आहे. यामध्ये प्रीमियम साउंड सिस्टम, पॅनोरामिक सनरूफ, वायरलेस फोन चार्जर, Android ऑटो, Apple कार प्ले आणि व्हेंटिलेटेड फ्रंट सीट्स दिले आहे. 

नव्या  Tata Sierra मध्ये 1.5 लिटर टर्बो–पेट्रोल इंजिन मिळणार आहे. जे 170hp आणि 280 Nm चा टॉर्क जनरेट करेल. या शिवाय  2.0-लिटर डिझेल इंजिनचा पर्याय सुद्धा दिला आहे.   Sierra मध्ये 6 मॅन्युअल आणि ऑटोमॅटिक गियरबॉक्सचा पर्याय मिळणार आहे.

या शिवाय SUV AWD (ऑल–व्हील ड्राइव्ह) टेक्नॉलजी सुद्धा दिली जाणार आहे. भारतात सियाराची किंमत 10.50 लाख रुपयांपासून सुरू होईल.  भारतात या सियाराचा वाट पाहिली जात आहे.   

Level 2 ADAS आणि 6 एअरबॅग्स  - टाटा आपल्या या नव्या सियारामध्ये   6 एअरबॅग्स, अँटी लॉक ब्रेकिंग सिस्टम, 360 डिग्री कॅमेरा, इलेक्ट्रॉनिक स्टेबिलिटी कंट्रोल (ESC), आणि Level 2 ADAS सारखे फिचर्स दिले जाणार आहे.

या शिवाय 3 स्क्रीन सुद्धा दिसणार आहे. यामध्ये एक डिजिटल इंस्ट्रूमेंट क्लस्टर, एक सेंट्रल टचस्क्रीन आणि एक पॅसेंजर साइड टचस्क्रीन असणार आहे. सगळ्या स्क्रीन 12.3 इंचाच्या असणार आहे.