UPSC Success Story: वडिलांच्या स्वप्नासाठी सोडलं MBBS; UPSC ची तयारी केली, दोनदा नापास, मग...

छत्रपती संभाजीनगरची रहिवासी असलेल्या मानसी सोनवणे यांची ही सक्सेस स्टोरी आहे. मानसीने तिचे शालेय शिक्षण नाशिकमधून पूर्ण केले आहे, तर छत्रपती संभाजीनगरच्या शासकीय महाविद्यालयातून कला शाखेत पदवीपर्यंतचे शिक्षण पूर्ण केले आहे.

मानसीचे वडील अकाउंटंट आहेत. मीडिया रिपोर्ट्समध्ये असे म्हटले आहे की त्यांना स्वतः नागरी सेवेत रुजू व्हायचे होते. परंतु, त्यांना यश मिळाले नाही. मानसीने बारावीनंतर NEET ही वैद्यकीय प्रवेश परीक्षा उत्तीर्ण केली होती आणि ती एमबीबीएसला प्रवेश घेत होती. पण वडिलांचे अधुरे स्वप्न पूर्ण करण्यासाठी तिने एमबीबीएस सोडून आर्ट्सला प्रवेश घेतला आणि सिव्हिल सर्व्हिसेसची तयारी सुरू केली.

मीडियाशी बोलताना मानसीने सांगितले की, तिने पदवी पूर्ण केल्यानंतर लगेचच नागरी सेवांसाठी तयारी सुरू केली. पहिल्या वर्षी तिला परीक्षा आणि यूपीएससी निवड प्रक्रियेबद्दल समजले. त्यांनी एनसीईआरटीच्या पुस्तकांपासून तयारी सुरू केली आणि नंतर संदर्भ पुस्तकांची मदत घेतली.

ग्रॅज्युएशन झाल्यानंतर लगेचच तिने यूपीएससीची परीक्षा दिली. तिने मीडियाला दिलेल्या मुलाखतीत सांगितले की, पहिल्या वर्षी तिने परीक्षा समजून घेण्यासाठी पेपर दिला होता. तिच्याकडून काही चुका झाल्यामुळे तिला दुसऱ्या प्रयत्नात यश मिळाले नाही. आपल्या चुकांमधून शिकत तिने तिसऱ्या प्रयत्नात यूपीएससीची परीक्षा पास केली.

UPSC 2021 च्या परीक्षेत तिने 627 वा क्रमांक मिळवला. भारतीय संरक्षण लेखा सेवेत त्यांची संरक्षण लेखापाल म्हणून निवड झाली. मानसीची कहाणी शिकवते की ध्येय गाठायचे असेल तर जोखीम पत्करायला हवी. अपयश आल्यावरही हार मानू नये, उलट प्रयत्न करत राहायला हवे, एक दिवस नक्कीच यश मिळेल.