OTT Actress: 41 वर्षीय अभिनेत्री बनली ओटीटी सेन्सेशन, लीड रोल न करता ट्रेंडिंग, ओळखलंत का?

ओटीटी जगतात तिचं नाव एक वेगळा दर्जा मिळवून बसलं आहे. 41 वर्षांची ही अभिनेत्री ओटीटीची क्वीन आहे. " width="1200" height="900" /> बॉलिवूडमध्ये ती मुख्य अभिनेत्री म्हणून फारशी दिसली नाही, पण ओटीटी जगतात तिचं नाव एक वेगळा दर्जा मिळवून बसलं आहे. 41 वर्षांची ही अभिनेत्री ओटीटीची क्वीन आहे.

कोणताही लीड रोल न करता, साइड रोलमुळे या अभिनेत्रीने खळबळ उडवली आहे. ओटीटी जगात तर ती खूपच प्रसिद्ध आहे. तिचा कोणताही साइड रोल असो तो चर्चेत असतो म्हणजे असतोच. ही अभिनेत्री नेमकी आहे तरी कोण? याविषयी जाणून घेऊया.

आपण बोलत असलेली ही अभिनेत्री दुसरी तिसरी कोणी नसून सुरवीन चावला आहे. सुरवीन आता प्रेक्षकांसाठी आणखी एक धमाका घेऊन येत आहे. अमेझॉन प्राइम व्हिडिओवर येणारी सुपरनॅचरल हॉरर सीरिज ‘अंधेरा’ 14 ऑगस्टला जागतिक प्रीमियर करणार आहे. राघव दार दिग्दर्शित या मालिकेत सुरवीनसोबत प्रिया बापट, करणवीर मल्होत्रा आणि प्राजक्ता कोळी यांच्याही महत्त्वाच्या भूमिका आहेत.

सुरवीनने गेल्या काही वर्षांत जे काम केलं आहे, त्याने तिचं ओटीटी जगतातील स्थान पक्कं केलं आहे. सेक्रेड गेम्स, पार्च्ड, क्रिमिनल जस्टिस यांसारख्या प्रोजेक्ट्समध्ये तिने रूढीवादी कल्पना मोडीत काढल्या.

नेटफ्लिक्सच्या मंडला मर्डर्समध्ये, अनन्या भारद्वाजच्या भूमिकेत ती मुख्य पात्र नसूनही तिचा गूढ अंदाज आणि तीव्र अभिनय प्रेक्षकांच्या मनात ठसला. यावर्षी क्रिमिनल जस्टिस सीझन 4 मध्ये तिने सूक्ष्म आणि प्रभावी अभिनय सादर केला. राणा नायडू सीझन 2 मधील तिचा स्क्रीन प्रेझेन्सही प्रभावी ठरला.

सुरवीनने टेलिव्हिजनपासून सिनेमापर्यंत आणि आता ओटीटीपर्यंत दमदार प्रवास केला आहे. ती रंगबाज, सेक्रेड गेम्स आणि पार्च्ड सारख्या प्रोजेक्ट्समध्ये झळकली आहे. प्रत्येक वेळी तिने वेगळं पात्र साकारलं त्यात प्रेक्षकांना गुंतवून ठेवलं.

2003 मध्ये तिने 'कहीं तो होगा' या लोकप्रिय टीव्ही मालिकेतून अभिनयाची सुरुवात केली. यानंतर, ती 'कसौटी जिंदगी की' आणि 'काजल' यांसारख्या मालिकांमध्येही दिसली. 2013 मध्ये तिने 'अग्ली' या चित्रपटात काम केले. पण तिला खरी ओळख मिळाली ती 2014 साली आलेल्या 'हेट स्टोरी 2' या चित्रपटातून. या चित्रपटातील तिच्या बोल्ड आणि दमदार भूमिकेमुळे ती चर्चेत आली.

सुरवीन चावलाने अनेक भाषांमध्ये काम करून आपली अष्टपैलुत्व सिद्ध केली आहे. ती तिच्या निर्भिड व्यक्तिमत्त्वासाठी आणि स्पष्ट बोलण्यासाठीही ओळखली जाते.