57 व्या वर्षी अभिनेत्यानं केलं बोटॉक्स, Before-After लुक पाहून हडबडून जाल

ग्यारह ग्यारह ही थ्रीलर सीरिज सर्वांना माहिती असेल. यातील अभिनेता हर्ष छाया यांनी बोटॉक्स केल्याची माहिती समोर आली आहे. त्यांना सुंदर दिसण्याची गरज होती म्हणून त्यांनी असं केल्याचं सांगितलं.

अभिनेत्यानं बोटॉक्स इंजेक्शन घेतलं होतं. बोटॉक्समुळे मी भुमिकेला न्याय देऊ शकलो असं ते म्हणाले. ग्यारह ग्यारह याच सीरिजमध्ये त्यांनी समीर ही भुमिका साकारली. या भुमिकेसाठी त्यांनी बोटॉक्स ट्रिटमेंट केली.

अभिनेत्यानं सांगितलं, "हा निव्वळ योगायोग होता. शूटिंगच्या शेड्यूलमधील एक मोठा भाग आधीच शूट झाला होता. एक लहान भाग शूट होणं बाकी होतं. या दोन शेड्यूल दरम्यान माझ्या वयात खूप अंतर दिसू लागलं. मेकअप करून बघितला पण त्याचा काही उपयोग झाला नाही. कपाळ आणि डोळ्यांभोवतीच्या सुरकुत्या घालवण्यासाठी मी बोटॉक्स केलं".

"मी खूप विश्वसनीय कॉस्मेटोलॉजिस्ट निवडले. त्या इंजेक्शनची संपूर्ण माहिती घेतली. बोटॉक्सनंतर सुरकुत्या दोन ते तीन महिन्यात गायब झाल्या. आपल्या भुमिकांवर भावनिक आणि शारीरिकरित्या काम करण्यासाठी काही वेगळ्या गोष्टींचा वापर करावा लागतो".

"कॉस्मेटिक सर्जरी करायची की हा प्रत्येकाचा वैयक्तिक मुद्दा आहे. आजकाल अनेक पर्याय उपलब्ध आहेत. सगळेच पैशासाठी कठोर परिश्रम करतो त्यामुळे त्यांचा खर्च कसा करायचा हे ठरवणंही महत्त्वाचं आहे".