'चांदीच्या ताटात पुरणपोळी...'; टॉकरवडीचा झक्कास उखाणा, लग्नाला उरलेत फक्त इतके दिवस

अभिनेत्री अमृता देशमुख आणि प्रसाद जवादे लवकरच लग्न करणार आहेत. काही महिन्यांआधीच दोघांचा साखरपुडा पार पडला.

अमृता प्रसाद यांचे बिग बॉस मराठीमध्ये असताना सुर जुळले. घराबाहेर आल्यानंतर त्यांच्या खऱ्या नात्याची सुरूवात झाली.

दोघेही काही महिने रिलेशनमध्ये होते त्यानंतर अचानक थेट साखरपुड्याचे फोटो शेअर करत दोघांनी त्यांच्या नात्याची कबूली दिली.

दोघांच्या लग्नाची जय्यत तयारी सुरू झाली आहे. अमृता -प्रसादच्या लग्नाला आता काहीच दिवस शिल्लक राहिलेत.

लग्नाआधीचं केळवण देखील देखील मस्त एन्जॉय करताना दिसत आहे. अमृताच्या आजोबांनी त्यांचं पहिलं केळवण केलं. त्यानंतर आता देशमुख कुटुंबाकडून दोघांचं केळवण करण्यात आलं.

घरच्या केळवणाला अमृतानं प्रसादसाठी खास उखाणा घेत तोंड गोड केलंय. दोघांचे रोमँटीक फोटो देखील तिनं शेअर केलेत.

केळवणाच्या फोटोंसहीत, "चांदीच्या ताटात पुरणपोळी. पुरणपोळीमध्ये जायफळ. प्रसादचं नाव घेतेय देशमुखांचं शेंडेफळ!" , असा झक्कास उखाणा अमृतानं म्हटलाय.

प्रसाद आणि अमृता यांच्या लग्नाला केवळ 25 दिवस बाकी आहेत. 18 नोव्हेंबर 2023 रोजी दोघांचं लग्न होणार आहे.