मी पुढचं आयुष्य कसं जगू..! प्रसिद्ध गायिकेवर दु:खाचा डोंगर, आधी वडिल गमावले; 25 दिवसांत बहिणीचा मृत्यू

नव्या वर्षाच्या सुरुवीता प्रसिद्ध अभिनेत्याच्या सासऱ्यांचं निधन झालं. अभिनेता दुबईत सेलिब्रेशन करत असताना इकडे त्याच्या सासऱ्यांचं निधन झालं. अशातच मनोरंजन विश्वातून आणखी एक धक्कादायक माहिती समोर येत आहे. 

एका प्रसिद्ध गायिकेनं तिची बहिण गमावली आहे. अभिनेत्रीवर दु:खाचा डोंगर कोसळला असून तिनं बहिणीच्या जाण्याचं दु:ख व्यक्त केलं आहे.  

बहिणीच्या निधनाच्या जवळपास 25 दिवस गायिकेनं तिचे वडिलही गमावले. आधी वडिल आणि आता बहिणीच्या मृत्यने अभिनेत्री हादरून गेली आहे.  

गायिका चित्रा अय्यर हिची बहीण शारदा अय्यर हिचा ट्रेकिंग दरम्यान मृत्यू झाला. वयाच्या 56 व्या वर्षी तिनं अखेरचा श्वास घेतला.  2 जानेवारी रोजी ओमानच्या जेबेल शम्स प्रदेशात एका ट्रेकिंग अपघातात तिचं निधन झाले.शारदा अय्यर असं गायिकेच्या बहिणीचं नाव आहे. ती मस्कटमध्ये राहणारी भारतीय प्रवासी शारदा अय्यर केरळमधील थाझावा येथील रहिवासी होती.

गल्फ न्यूजमधील वृत्तानुसार, अधिकाऱ्यांच्या मते, ओमान एअरच्या माजी व्यवस्थापक शारदा ओमानच्या अल दाखिलियाह गव्हर्नरेटमध्ये असलेल्या जेबेल शम्समधील खडकाळ वाडी घुल परिसरातील नियुक्त केलेल्या पायवाटेवरून ट्रेकिंग करणाऱ्या एका ग्रुपचा भाग होती. तिचा मृत्यू कसा झाला हे अद्याप समोर आलेलं नाही.  अधिकाऱ्यांनी नमूद केले की हा प्रदेश त्याच्या उंच कड्यांसाठी आणि कठीण भूप्रदेशासाठी ओळखला जातो. ज्यामुळे ट्रेकर्सना मोठा धोका निर्माण होतो.

गायिका चित्रा अय्यर हिनं रविवारी सोशल मीडियावर पोस्ट शेअर करत बहिणीच्या निधनाची माहिती दिली. "पळत राहा, माझी खोडकर, बेधडक बहिणी! तू खूपच वेगाने पळतेयस! पण मी तुला गाठेन… कधीतरी… लवकरच, मी वचन देते. माझं तुझ्यावर खूप प्रेम आहे. तू असह्य, मॉन्टर आहे पण माझी लाडकी बहिण आहेस." 

गायिकेनं पुढे लिहिलंय, "अगं सुंदर! किती स्टायलिश, किती सेक्सी! आता मी काय करणार? तुझ्या सतत बोलणाऱ्या, चिडवणाऱ्या आवाजाशिवाय मी पुढचं आयुष्य कसं जगणार? फोनच्या दुसऱ्या टोकाला अखंड बडबड करत असलेला आवाज किंवा शेजारच्या खोलीतून ओरडणं… किंवा फक्त त्रास देणं. खोडकरपणा करणं.

गायिकेनं दुसऱ्या पोस्टमध्ये सांगितलं की, तिच्या बहिणीचा मृतदेह ओमानहून केरळला विमानाने नेला जात आहे. तिला 7 जानेवारीला थाझावा या वडिलोपार्जित घरी आणण्यात येईल. तिथे त्याच्यावर अत्यंसंस्कार होतील 

शारदा तिच्या वडिलांच्या अंत्यसंस्काराला उपस्थित राहण्यासाठी भारतात आल्यानंतर २४ डिसेंबर रोजी ओमानला परतल्याचे वृत्त आहे. तिच्या वडिलांचे 11 डिसेंबर रोजी निधन झाले. वडिलांच्या निधनाच्या धक्क्यातून सावरत नाही तोच गायिकेच्या बहिणीचं निधन झालंय.