2 तास 30 मिनिटांची ही फिल्म, हीरोने दुसऱ्याच दिवशी मोडला आपल्या हिट सिनेमाचा रेकॉर्ड

बॉक्स ऑफिसवर अनेक बहुचर्चित चित्रपट रिलीज झाले आहेत. या सिनेमांची चाहते आतुरतेने वाट पाहत होते. याच चित्रपटांपैकी हा देखील एक आहे. हा चित्रपट रिलीज होताच चर्चेत आहे. चित्रपटाला प्रेक्षक आणि समीक्षक यांच्याकडून खूप चांगला प्रतिसाद मिळत आहे. शुक्रवारी रिलीज झालेला हा चित्रपट तुफान कमाई करत आहे. पहिल्या दिवशी या चित्रपटाने याच वर्षी रिलीज झालेल्या अनेक मोठ्या चित्रपटांचे रेकॉर्ड मोडले होते आणि आता दुसऱ्या दिवशीही या चित्रपटाच्या हिरोने कमाईच्या बाबतीत स्वतःच्या एका सुपरहिट चित्रपटाचाच रेकॉर्ड मोडला आहे.

थिएटरमध्ये प्रदर्शित झालेली ही एक रोमँटिक कॉमेडी फिल्म आहे. हा सिनेमा प्रेक्षकांचे लक्ष वेधून घेत आहे. ही फिल्म एका सुपरहिट चित्रपटाचा सिक्वेल आहे. दिग्दर्शकाने नाती, संघर्ष आणि कुटुंबामध्ये घडणारे छोटे-छोटे मजेदार क्षण अतिशय सुंदररीत्या प्रेक्षकांसमोर मांडले आहेत. चित्रपटाची गती सुरुवातीपासूनच चांगली राहते आणि मध्ये-मध्ये काही असे सीन येतात जे प्रेक्षकांना जबरदस्त हसू आणि भावना दोन्हींचा अनुभव देतात.

अजय देवगन स्टारर ‘दे दे प्यार दे 2’ या चित्रपटात तो पुन्हा एकदा आशिष मेहरा या भूमिकेत दिसत आहेत. आशिष मेहरा हा लंडनमध्ये राहणारा एक प्रौढ NRI आहे. रकुल प्रीत सिंह त्याची गर्लफ्रेंड आयशा खुराना म्हणून दिसत आहे, जी वयाने आशिष मेहरापेक्षा खूप लहान आहे. याच कारणाने त्यांनी लग्न करू नये असं आयशाच्या घरच्यांना वाटतं.

चित्रपटात आर. माधवन आयशाच्या वडिलांच्या भूमिकेत दिसतात, जे कथेत एक दमदार छाप सोडतात. त्याचबरोबर जावेद जाफरी आणि Meezaan Jaffrey (मीजान जाफरी) देखील चित्रपटात महत्त्वाच्या भूमिकेत झळकतात.

सर्व कलाकारांनी आपल्या-आपल्या भूमिका अत्यंत मेहनत आणि प्रामाणिकपणे साकारल्या आहेत. त्यामुळे या चित्रपटाला प्रेक्षकांची चांगलीच पसंती मिळत आहे. ‘दे दे प्यार दे 2’ची कथा तिथूनच पुढे सुरू होते, जिथे मागील चित्रपट संपला होता. या वेळेस आशूची सर्वात मोठी अडचण आहे, आयशाच्या आई-वडिलांना त्यांच्या नात्यावर विश्वासात घेणे. सुरुवातीला सर्व काही ठीक वाटते, पण जसं कुटुंबाला आशूच्या वयाबद्दल आणि त्याच्या घटस्फोटाबद्दल कळतं त्यानंतर खरा ट्वीस्ट येतो.

'दे दे प्यार दे 2' या चित्रपटाची निर्मिती 80 कोटी रुपयांच्या बजेटमध्ये करण्यात आली आहे. या चित्रपटाने पहिल्या दिवशी बॉक्स ऑफिसवर 8.75 कोटींची कमाई केली होती आणि रिलीजच्या पहिल्याच दिवशी या सिनेमाने या वर्षी रिलीज झालेल्या अनेक बिग बजेट चित्रपटांचा रेकॉर्ड ब्रेक केला. दुसऱ्या दिवशी चित्रपटाने आणखी जोरदार कमाई करत पहिल्या दिवसापेक्षा 4.25 कोटी जास्त कमावून सर्वांना आश्चर्यचकित केले. सॅकनिल्कच्या रिपोर्टनुसार, चित्रपटाने दुसऱ्या दिवशी 12.25 कोटी रुपये कमावले. ज्यामुळे चित्रपटाची एकूण कमाई 21 कोटी झाली आहे.

विकेंडला या चित्रपटाला प्रेक्षकांचे भरभरून प्रेम मिळत आहे. इतकेच नव्हे, दुसऱ्या दिवसाच्या कमाईनंतर ‘दे दे प्यार दे 2’ ने अजय देवगनचा याच वर्षी आलेला ‘रेड 2’लाही मागे टाकले. ‘रेड 2’ ने दुसऱ्या दिवशी अंदाजे 12 कोटी कमावले होते.