'...अन् आर्याने निक्कीच्या सनकन खेचली', जान्हवी किल्लेकरनं सांगितलं Bigg Bossच्या घरातील नेमकं काय घडलं

बिग बॉस मराठीचा सहावा सीझन सध्या सुरू आहे. या सीझनमध्येही एक से बढकर एक स्पर्धक घेण्यात आले आहेत. प्रत्येक सीझनचा असा एक तरी प्रसंग असतो जो प्रेक्षकांच्या कायम लक्षात राहतो.

बिग बॉस मराठी सुरू झाल्यापासून प्रत्येक सीझनमध्ये कोणाचे तरी लव्ह ट्रँगल, तर कोणाची भांडणं, कॉमेडी प्रेक्षकांच्या लक्षात राहिली आहे. पण बिग बॉस मराठी 5 मध्ये अशी एक गोष्ट घडली जी पाहून प्रेक्षकही शॉक झाले. 

निक्की तांबोळी आणि आर्या जाधव यांच्या जोरदार भांडणं झाली. ही भांडणं इतकी शिगेला पोहोचली की आर्याने निक्कीच्या थेट कानाखाली मारली. बिग बॉसच्या घरात कोणालाही शारीरिक इजा करण्याची परवानगी नाही. त्यामुळेच या प्रकरणानंतर आर्याला शोमधून बाहेर काढण्यात आलं. 

पण आर्या आणि निक्की यांच्यात नेमकं काय घडलं? आर्याने खरंच निक्कीच्या कानाखाली मारली का? असे अनेक प्रश्न प्रेक्षकांना पडले होते. कारण बिग बॉसच्या नियमांनुसार, ते सीन एपिसोडमध्ये दाखवण्यात आले नाहीत.

निक्की आणि आर्या यांच्या भांडणातील प्रमुख साक्षीदार ही अभिनेत्री जान्हवी किल्लेकर होती. जवळपास दोन वर्षांनी जान्हवीने घरात नेमकं काय घडलं हे सांगितलं. जस्ट नील थिंग्सच्या एका व्हिडीओमध्ये तिनं हे सांगितलं. 

जान्हवी म्हणाली, "हो त्यांच्यात सिरीयस झालं होतं. बिग बॉस ते टेलिकास्ट नाही करू शकतं. भांडणं सुरू होती. मी माझा डायमंड वाचवण्यात होते. तेवढ्यात या दोघींचं काय तरी मजबूत वाजलं. आणि आर्याने सनकन खेचवली. सनकन खेचली निक्कीच्या. जान्हवी शॉक होऊन म्हणाली, अगं ये रूल बिल काही आहे की नाही."

जान्हवी पुढे म्हणाली, "ती (आर्या) रागिष्ट आहे थोडीशी. पण तिने निक्कीच्या खरंच खेचली. तेव्हा थोडसं बरं वाटलं. जे मनात होतं ते कोणीतरी केलं, ते तिने केलं."

"ते माझ्यापण मनात होतं पण ते करू शकत नव्हते. तो मोठा रुल असतो आणि तो कधीच कोणी ब्रेक करू नये असं मला वाटतं."