दिलखेचक अदांनी वेड लावणाऱ्या अभिनेत्रीचं जबरदस्त कमबॅक, सुबोध भावेही असणार प्रमुख भूमिकेत

मराठी इंडस्ट्रीत अशा अनेक अभिनेत्री आहेत ज्या मोठ्या पडद्यापासून दूर आहेत. अनेक वर्ष त्यांना मोठ्या पडद्यावर पाहण्यासाठी प्रेक्षक आतूर आहेत.

अशीच एक अभिनेत्री प्रेक्षकांच्या भेटीला येत आहे. जिनं आपल्या दिलखेचक अदांनी नृत्यांतून वेड लावलं. तब्बल 3 वर्षांनी ही अभिनेत्री कमबॅक करतेय.

अभिनेत्रीच्या नव्या सिनेमाचा फर्स्ट लूक रिलीज झाला आहे. अभिनेत्रीच्या नव्या सिनेमाची घोषणा होताच प्रेक्षकांनी ही तिला मोठ्या पडद्यावर पाहण्यासाठी उत्सुकता दाखवली आहे. 

काही चित्रपट आपल्या अनोख्या वैशिष्ट्यांमुळे घोषणेपासूनच चर्चेचा विषय ठरतात. यात चित्रपटाचे शीर्षक अत्यंत महत्त्वाची भूमिका बजावते. 'सकाळ तर होऊ द्या' हा मराठी चित्रपट प्रेक्षकांच्या भेटीला येत आहे. नुकतीच सिनेमाची घोषणा करण्यात आली असून पहिलं पोस्टर आणि रिलीज डेटही समोर आली आहे. 

[caption id="attachment_1446728" align="aligncenter" width="750"] या सिनेमातून अभिनेत्री मानसी नाईक प्रेक्षकांच्या भेटीला येत आहे. अभिनेता सुबोध भावे देखील या सिनेमात महत्त्वाच्या भूमिकेत आहे.

[/caption]

या सिनेमाचं खास वैशिष्ट म्हणजे  हिंदीतील सुप्रसिद्ध संगीतकार हिमेश रेशमिया यांची हिमेश रेशमिया मेलडीज या सिनेमातील गाणी रसिकांच्या भेटीला आणणार आहे. गीतकार अभिषेक खणकर यांनी लिहिलेली 'सकाळ तर होऊ द्या' मधील गाणी लिहिली आहेत. 

सारेगमप लिटिल चॅम्प्सद्वारे नावारूपाला आलेल्या गायक-संगीतकार रोहित राऊत या सिनेमाचा संगीतकार आहे.  रोहितनं आजवर बरीच लोकप्रिय गाणी गायली असून, त्याच्या सुमधूर संगीतरचनांनी रसिकांच्या मनावर गारूड केले आहे. चित्रपटातील संवादलेखन ओंकार बर्वे आणि अंकुश मरोडे यांनी केले असून छायांकनाची जबाबदारी सुनील पटेल यांनी सांभाळली आहे.